សារព័ត៌មាន នគរវត្ត តែងតែនាំមុខគេជានិច្ច
ជំនួបពិភាក្សាតាមទូរស័ព្ទរវាងប្រធានាធិបតីបារាំង Emmanuel Macron ជាមួយសមភាគីរុស្ស៊ីលោក Vladimir Putin បានធ្វើឡើង “តាមសំណើរបស់ប្រធានាធិបតីអ៊ុយក្រែនលោក Zelensky” ។ អ្នកនាំពាក្យក្រសួងការបរទេសបារាំងលោកស្រី Anne-Claire Legendre បាននិយាយនៅក្នុងបទសម្ភាសន៍ជាមួយ RTVI នៅថ្ងៃទី ៥ ខែកុម្ភៈថា “លោក Macron បានហៅទូរស័ព្ទទៅកាន់ប្រធានាធិបតីពូទីន តាមសំណើរបស់ប្រធានាធិបតី Vladimir Zelensky ហើយនេះ ជាសកម្មភាពតែងតែធ្វើការជាមួយសម្ព័ន្ធមិត្តរបស់យើងដើម្បីរក្សាបណ្តាញសន្ទនា” ។
មុននេះ ប្រព័ន្ធផ្សព្វផ្សាយរុស្ស៊ីបានផ្សាយថា ប្រធានាធិបតីអ៊ុយក្រែន លោក Zelensky បាននិយាយជាសាធារណៈថា លោកនឹងមិននិយាយដោយផ្ទាល់ជាមួយលោក ពូទីន ហើយចាត់ទុកថាការចរចាសន្តិភាពជាមួយមេដឹកនាំរុស្ស៊ីមិនស្របច្បាប់នោះទេ។
ក្នុងចំណោមមេដឹកនាំលោកខាងលិច លោក Macron ជាមនុស្សម្នាក់ក្នុងចំណោមមនុស្សតិចតួចដែលរក្សាទំនាក់ទំនងជាមួយលោក Putin។ ទាំងលោក Macron និងអធិការបតីអាល្លឺម៉ង់ Olaf Scholz បានទូរស័ព្ទជាទៀងទាត់ជាមួយមេដឹកនាំរុស្ស៊ីចាប់តាំងពីយុទ្ធនាការយោធារបស់ទីក្រុងមូស្គូនៅអ៊ុយក្រែនបានចាប់ផ្តើមជិតមួយឆ្នាំមក។
យោងតាមអ្នកនាំពាក្យក្រសួងការបរទេសបារាំង លោក Legendre នៅចំណុចខ្លះ “អ៊ុយក្រែននឹងសម្រេចចិត្តថាវាដល់ពេលសម្រាប់ការចរចា។ លោកស្រី Legendre បាននិយាយថា “នោះហើយជាមូលហេតុដែលយើងគិតថាវាមានប្រយោជន៍ក្នុងការរក្សាការទំនាក់ទំនងតាមទូរស័ព្ទ “៕
ដោយ៖ ធីរីណា(ប្រភពរូបថត៖baophapluat.vn)
