សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មន្ត្រីប៉ុស្តិ៍នគរបាលរដ្ឋបាលគោកឃ្លាងបានប្រាប់អង្គភាពយើងឱ្យដឹងនៅព្រឹកថ្ងៃទី០៦ខែកុម្ភៈឆ្នាំ២០២៣នេះថា កម្លាំងសមត្ថកិច្ចបានធ្វើការស្រាវជ្រាវឃាត់ខ្លួនជនសង្ស័យ០១នាក់ករណីលួចមានស្ថានទម្ងន់ទោសដោយប្រព្រឹត្តអំពើហិង្សា(ឆក់យកកាបូបក្រវាត់ចង្កេះ)ដែលជនសង្ស័យបានធ្វើសកម្មភាពកាលពីថ្ងៃទី២៧-១២-២០២២ វេលាម៉ោង០៦និង០០នាទី នៅចំណុចមុខសាលារៀនធូវើហ្សិន ផ្លូវ៥៨P ភូមិដីថ្មី សង្កាត់គោកឃ្លាង ខណ្ឌសែនសុខ។
សមត្ថកិច្ចបានឱ្យដឹងទៀតថាជនសង្ស័យមានគ្នា៤នាក់(គេចខ្លួន៣នាក់គឺឈ្មោះញូញ, ឈ្មោះ ហួរ និងឈ្មោះយ៉ាកឺ) ។ ចំណែកឃាត់ខ្លួនសង្ស័យ១នាក់ដែលសមត្ថកិច្ចឃាត់ខ្លួនបានឈ្មោះ នាង សុខតុង ភេទប្រុស អាយុ២៤ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួល ផ្លូវលំ ក្នុងភូមិសាមគ្គី សង្កាត់ទួលសង្កែ២ ខណ្ឌឬស្សីកែវ (គ្មានសារធាតុញៀន) រួមជាមួយបក្ខពួកដែលគេចខ្លួនបានធ្វើសកម្មភាពជិះម៉ូតូ០២គ្រឿងឆក់យកកាបូបក្រវាត់ចង្កេះពីឈ្មោះ សុខ ចន្ធូ ភេទស្រី អាយុ៤៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះជួល ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។ សម្ភារបាត់បង់ ៖ លុយខ្មែរ ២៨.០០០.០០០រៀល, លុយដុល្លារ៣.០០០ដុល្លារ , ទូរស័ព្ទដៃ០១គ្រឿង និងគ្រឿងអលង្ការុមួយចំនួន ទៀត។ សម្ភារបន្សល់ទុក ទូរស័ព្ទដៃ០១គ្រឿង ម៉ាកOPPO , ម៉ូតូ០១គ្រឿង ម៉ាកវ៉េវ ពណ៌ខ្មៅ ពាក់ផ្លាកលេខកំពង់ចាម1D-2212 របស់ជនល្មើស។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនីតិវិធី៕
ដោយ៖ចន្ទ លីហ្សា
