សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ព្រះគ្រូរតន:សីលោ អ៊ុកឫទ្ធី ចៅអធិការវត្តគ្រញូង ព្រះសង្ឃ លោកអាចារ្យគណកម្មការព្រមទាំងពុទ្ធបរិស័ទ មណ្ឌលវិបស្សនាធុរៈ វត្តគ្រញូង បានមូលមតិគ្នាជាឯកច្ឆន្ទផ្តួចផ្តើមធ្វើបុណ្យផ្កាប្រាក់មហាសាមគ្គីមួយ ដើម្បីប្រមូលបច្ច័យកសាងកុដិបន្តដែលកំពុង សាងសង់សព្វថ្ងៃ ហើយមានការខ្វះខាតបច្ច័យសម្រាប់កសាង។
ការវេរចង្ហាន់បិណ្ឌបាត្រ និងផ្កាប្រាក់មហាសាមគ្គីប្រគេនដល់ព្រះសង្ឃពហូទេវាដារឆ្លងធ្វើឡើងនៅព្រឹកថ្ងៃទី១២ខែកុម្ភ:ឆ្នាំ២០២៣ស្ថិតនៅវត្តគ្រញូង ភូមិគ្រញូង ឃុំមុខដា ស្រុករមាសហែកដោយមានការចូលរួមពីសំណាក់លោកស៊ូ ម៉ុល អភិបាលស្រុករមាសហែក លោកតំណាងអភិបាលស្រុករំដួល លោកលោកស្រី ឧបាសក ឧបាសិកា ទាយក ទាយិកានិងពុទ្ធបរិស័ទគ្រប់មជ្ឈដ្ឋានពីទីជិតទីឆ្ងាយនិងលោកតា លោកយាយជាពុទ្ធបរិស័ទចំណុះជើងវត្តគ្រញូងយ៉ាងច្រើនកុះករផងដែរ ។
ព្រះគ្រូរតន:សីលោ អ៊ុក ឫទ្ធី ចៅអធិការវត្តគ្រញូង បានមានថេរដីកាថា ការផ្តួចផ្តើមប្រារព្ធធ្វើពិធីបុណ្យផ្ការស្មីសាមគ្គីនេះឡើងយមានការចូលរួមពីព្រះសង្ឃ អាចារ្យ គណៈកម្មការ ពុទ្ធបរិស័ទចំណុះជើងវត្តគឺដើម្បីប្រមូលបច្ច័យកសាងកុដិបន្តដែលមានបណ្តោយ ៦០ម៉ែត្រ និងទទឹង ១១ម៉ែត្រដែលកំពុងសាងសង់សព្វថ្ងៃ ហើយមានការខ្វះខាតបច្ច័យសម្រាប់កសាងនាថ្ងៃនេះទៅយ៉ាងរលូនដោយព្រះអង្គសូមថ្លែងអំណរគុណយ៉ាងជ្រាលជ្រៅចំពោះលោក លោកស្រី និងញាតិញោមមកពីទីជិតទីឆ្ងាយទាំងអស់ ដែលបានចូលរួមចាប់មគ្គផលនិងអនុមោទនាយកផលានិសង្សតាមកម្លាំងសទ្ធាជ្រះថ្លារៀងៗខ្លួន។
ជាចុងបញ្ចប់ព្រះគ្រូរតន:សីលោ អ៊ុក ឫទ្ធី ចៅអធិការវត្តគ្រញូង សូមប្រសិទ្ធពរជ័យ សិរីសួស្ដី ជ័យមង្គលចូរកើតមានដល់អស់លោកលោកស្រីនិងញាតិញោមទាំងអស់សូមបានជួបនូវពុទ្ធពរទាំងបួនប្រការគឺ អាយុ វណ្ណៈ សុខ និងពលៈ កុំបីឃ្លៀងឃ្លាតឡើយ៕
ដោយ៖ សុថាន
