🔥ព័ត៌មានបឋម៖ ផ្ទះជាង១០ល្វែងត្រូវអគ្គិភ័យឆាបឆេះមិនទាន់ដឹងពីមូលហេតុ ខាតបង់ទ្រព្យសម្បត្តិរាប់ម៉ីនដុល្លារ

ខេត្តបន្ទាយមានជ័យ៖ អគ្គិភ័យឆាបឆេះផ្ទះអាជីវករប្រមាណជាង១០ល្វែងធ្វើឱ្យខូចខាតទ្រព្យសម្បត្តិរាប់សិបម៉ីនដុល្លារ នៅវេលាម៉ោង៦និង៣០នាទីព្រឹកថ្ងៃទី១៣ ខែកុម្ភៈឆ្នាំ២០២៣នៅក្នុងភូមិអូរជ្រៅសង្កាត់អូរជ្រៅ ក្រុងប៉ោយប៉ែត។

អគ្គិភ័យឆាបឆេះនោះដែរបានឆាបឆេះអស់ផ្ទះអាជីវករប្រមាណ១១ល្វែងដែលជាទីតាំងលក់គ្រឿងអគ្គិសនី លក់កង់ លក់កុំព្យូទ័រ និងកន្លែងព្រីនជាដើម។ នៅក្នុងស្ថានការណ៍ខាងលើគេឃើញមានរថយន្តពន្លត់អគ្គិភ័យជាច្រើនគ្រឿងដូចជារថយន្តពន្លត់អគ្គិភ័យរបស់កាស៊ីណូ រថយន្តរបស់ស្នងការដ្ឋានខេត្តបន្ទាយមានជ័យ រថយន្តរបស់នគរបាលក្រុងប៉ោយប៉ែតនិងរថយន្តពន្លត់អគ្គិភ័យភាគីថៃចំនួន២គ្រឿង បានមកជួយធ្វើអន្តរាគមន៍ ក្នុងនោះគេឃើញមានកងកម្លាំងរួមជាមួយអាជ្ញាធរជួយយកសម្ភារចេញពីកន្លែងដែលអគ្គិភ័យឆាបឆេះផងដែរ។

   ដោយមានការចូលរួមជាកម្លាំងសាមគ្គីនេះហើយទើបដល់វេលាម៉ោងប្រមាណ៩និង២០នាទីព្រឹកថ្ងៃដដែលនេះកម្លាំងសមត្ថកិច្ចបានគ្រប់គ្រងបាន។ការឆាបឆេះខាងលើនៅមិនទាន់ដឹងពីមូលហេតុច្បាស់នៅឡើយ៕

IMG_6862

ដោយ៖ វណ្ណា