សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្រេចលុបឈ្មោះមេធាវី ម៉ៅ ណារដ្ឋ ចេញពីបញ្ជីគណៈមេធាវីនៃព្រះរាជាណាចក្រកម្ពុជា ។
នេះបើយោងតាម សេចក្តីប្រកាសព័ត៌មាន ស្តីពី ការសម្រេចលុបឈ្មោះមេធាវី ម៉ៅ ណារដ្ឋ ចេញពីបញ្ជីគណៈមេធាវីនៃព្រះរាជាណាចក្រកម្ពុជា នៅរសៀលថ្ងៃទី២៧ ខែកុម្ភៈ ឆ្នាំ២០២៣។
គណៈមេធាវីនៃព្រះរាជាណាចក្រកម្ពុជា សូមជម្រាបជូនសមាជិក-សមាជិកា គណៈមេធាវីនិងសាធារណជនមេត្តាជ្រាបថា គណៈមេធាវីនៃព្រះរាជាណាចក្រកម្ពុជា បាន សម្រេចលុបឈ្មោះមេធាវី ម៉ៅ ណារដ្ឋ អត្តលេខ១០៦១ ចេញពីបញ្ជីគណៈមេធាវីនៃព្រះរាជា ណាចក្រកម្ពុជា តាមសេចក្តីសម្រេចរបស់គណៈកម្មការវិន័យនៃក្រុមប្រឹក្សាគណៈមេធាវី ដូចខាងក្រោម៖
១- សេចក្តីសម្រេចលេខ០០២/សស.គវ/២៣ ចុះថ្ងៃទី១៣ ខែមករា ឆ្នាំ២០២៣
២- សេចក្តីសម្រេចលេខ០០៣/សស.គ/២៣ ចុះថ្ងៃទី១៨ ខែមករា ឆ្នាំ២០២៣
៣- សេចក្តីសម្រេចលេខ០០៤/សស.គវ/២៣ ចុះថ្ងៃទី១៨ ខែមករា ឆ្នាំ២០២៣
ចាប់ពីថ្ងៃជូនដំណឹងនេះតទៅ លោក ម៉ៅ ណារដ្ឋ ពុំមានសិទ្ធិប្រកបវិជ្ជាជីវៈមេធាវី ឬ ប្រើងារជាមេធាវីបានឡើយ។
អាស្រ័យហេតុនេះ សូមសមាជិក-សមាជិកាគណៈមេធាវីនិងសាធារណជនជ្រាបជា ព័ត៌មាន ៕
ដោយ ៖ សិលា
