សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United បានរងការខកចិត្តមួយក្នុងការប្រកួត Premier League កាលពីរាត្រីថ្ងៃអាទិត្យ ទី១២ មីនាជាមួយនឹងលទ្ធផលស្មើ ០-០ ជាមួយនឹងក្រុមបាតតារាង Southampton ក្រោយពីការបណ្តេញចេញរបស់ខ្សែបម្រើ Casemiro នៅតង់ទី១។
កីឡាករប្រេស៊ីលរូបនេះត្រូវបានបណ្តេញចេញនៅនាទីទី៣៤សម្រាប់ការយកជើងឈូសបាល់ជាមួយកីឡាករ Southampton ដែលធ្វើឲ្យអាជ្ញាកណ្តាលឆែក VAR ក៏ផ្តល់កាតក្រហមបណ្តេញចេញពីការប្រកួតតែម្តង។
ប្រធានក្រុម Bruno Fernandes បានមានឱកាសសម្រាប់រកគ្រាប់បាល់ឲ្យក្រុម Manchester United ក្នុងតង់ទី២ជាមួយនឹងការស៊ុតបាល់បញ្ចូលទីចំគោលដៅ ខណៈដែលខ្សែប្រយុទ្ធដ៏ឆ្នើម Marcus Rashford បានឃើញការស៊ុតបាល់បញ្ចូលទីយ៉ាងល្អមួយគ្រាប់ដែរ ប៉ុន្តែត្រូវអ្នកចាំទី Southampton កីឡាករ Gavin Bazunu សង្គ្រោះបាល់បាន។
Southampton បានបាត់បង់ឱកាសជាច្រើន ដោយកីឡាករ Theo Walcott បានឃើញការស៊ុតបាល់បញ្ចូលទីចំគោលដៅ និងការស៊ុតបាល់បញ្ចូលទីយ៉ាងល្អ តែត្រូវរារាំងដោយកីឡាករ David de Gea ខណៈពេលដែល Kyle Walker-Peters ស៊ុតបុកបង្គោលទី ហើយ James Ward-Prowse បានឃើញការទាត់បាល់ហ្វ្រីឃីកនៅមុខទីផងដែរ ប៉ុន្តែនៅតែមិនអាចស្វែងរកគ្រាប់បាល់បាន។
លទ្ធផលនេះមិនមែនជាអ្វីដែលអ្នកចាត់ការទូទៅរបស់ក្រុម Manchester United លោក Erik ten Hag ចង់បាននោះទេ បន្ទាប់ពីប្រកួតចាញ់ Liverpool ក្នុងលទ្ធផល ៧–០ កាលពីសប្តាហ៍មុន និងជាការលួងចិត្តក្នុងការតាមដានការឈ្នះពានរង្វាន់ Europa League ៤–១ លើក្រុម Real Betis កាលពីពាក់កណ្តាលសប្តាហ៍។
មួយពិន្ទុនៃលទ្ធផលស្មើនេះបានធ្វើឱ្យ Manchester United ឈរនៅលេខរៀងទី៣ក្នុងលីកដែលមាន ៥០ពិន្ទុ ចាញ់១៦ពិន្ទុតាមពីក្រោយក្រុមកំពូលតារាង Arsenal ខណៈដែល Southampton ស្ថិតនៅបាតតារាងមាន២២ពិន្ទុដោយសុវត្ថិភាព២ពិន្ទុក្នុងការប្រយុទ្ធប្រឆាំងនឹងការកាត់ចោលទៅកាន់ក្របខ័ណ្ឌ Championship។
ចំណែកក្រុមកាំភ្លើងធំ Arsenal បានស្តារគុណសម្បត្តិដោយវ៉ាដាច់៥ពិន្ទុរបស់ពួកគេឡើងវិញនៅលើកំពូលនៃក្របខ័ណ្ឌ Premier League ក្នុងទម្រង់ដ៏អស្ចារ្យជាមួយនឹងការទទួលជ័យជម្នះនៅឯ Fulham ក្នុងលទ្ធផល៣ទល់០។
ក្រុមរបស់លោក Mikel Arteta បានឆ្លើយតបទៅនឹងជ័យជម្នះរបស់ Manchester City នៅលើទឹកដីក្រុម Crystal Palace កាលពីយប់ថ្ងៃសៅរ៍ ដោយបញ្ចប់ការទទួលជ័យជម្នះនេះត្រឹមពាក់កណ្តាលតង់ ខណៈដែលពួកគេបានបើកការនាំមុខ ៣–០ ជាមួយនឹងការបង្ហាញការប្រយុទ្ធដ៏សាហាវ។
៣គ្រាប់របស់ក្រុមកាំភ្លើងធំ Arsenal រកបានដោយកីឡាករ Gabriel នៅនាទីទី២១ គ្រាប់ទី២រកបានដោយកីឡាករ Gabriel Martinelli នៅនាទីទី២៦ និងគ្រាប់បាល់ទី៣រកបានដោយកីឡាករ Martin Odegaard នៅនាទីទី៤៥+២ ៕ ដោយ៖ ភារៈ
(រូបភាព ៖ BBC Sport/Reuters/CNA)
