សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ក្នុងរយៈពេលមួយយប់មានករណីគ្រោះថ្នាក់ចរាចរណ៍២កន្លែងផ្សេងគ្នានៅស្រុកស្វាយជ្រំបណ្ដាលអោយរបួសធ្ងន់ម្នាក់រវាងរថយន្តបុកម៉ូតូសណ្ដោងរុឺម៉កនិងរថយន្តបុកគ្នា។
យោងតាមសមត្ថកិច្ចនគរបាលបានអោយដឹងថា ករណីទី១បានកើតឡើងកាលពីវេលាម៉ោង៩និង៣០នាទីយប់ថ្ងៃទី១៩ខែមីនាឆ្នាំ២០២៣ ស្ថិតនៅចំណុចភូមិក្រោលគោ ឃុំក្រោលគោ ស្រុកស្វាយជ្រំ ខេត្តស្វាយរៀង នៅលើផ្លូវជាតិលេខ១ ចន្លោះគីឡូម៉ែត្រលេខ១០៤-១០៥ មានរថយន្តម៉ាក នីស្សាន់ ពណ៌ប្រផេះ ពាក់ស្លាកលេខ ភ្នំពេញ ២AJ-១៩៥៧ បើកបរដោយឈ្មោះ ឡុង សុធា ភេទប្រុស អាយុ៤៥ឆ្នាំ មុខរបយោធា ដោយធ្វើដំណើរពីកើតមកលិចប្រើប្រាស់ល្បឿនលឿនបុកពីក្រោយម៉ូតូមួយគ្រឿងម៉ាកវ៉េវអាល់ហ្វា សណ្តោងរុឺម៉ក ពណ៌ខ្មៅ គ្មានស្លាកលេខ បើកបរដោយឈ្មោះ ហេង សម្បត្តិ ភេទប្រុស អាយុ៣៩ឆ្នាំ មុខរបរលក់ដូរ រស់នៅភូមិព្រៃញ៉យ ឃុំក្រោលគោ ស្រុកស្វាយជ្រំ ខេត្តស្វាយរៀង បណ្ដាលអោយរបួសធ្ងន់ ។ ក្រោយមកអ្នករងរបួសធ្ងន់ត្រូវបានក្រុមគ្រួសារបញ្ចួនទៅមន្ទីរពេទ្យខេត្តស្វាយរៀង។
ករណីទី២បានកើតឡើងកាលពីវេលាម៉ោង១១និង២០នាទីយប់ថ្ងៃទី១៩ខែមីនាឆ្នាំ២០២៣ នៅលើផ្លូវជាតិលេខ១ចន្លោះគីឡូម៉ែត្រលេខ១១៨-១១៩ នៅចំណុចភូមិព្នៅ ឃុំតាសួស ស្រុកស្វាយជ្រំ ខេត្តស្វាយរៀង មានរថយន្តម៉ាក តាកូម៉ា ពណ៌ស ពាក់ស្លាកលេខភ្នំពេញ ២BT-៧១៣២បើកបរដោយឈ្មោះឌុល កាប៉ោយ ភេទប្រុស អាយុ៣៩ឆ្នាំ មុខរបរលក់ដូរ រស់នៅភូមិថ្មី ឃុំសំបួរ ស្រុកស្វាយទាប ខេត្ដស្វាយរៀង ប្រើប្រាស់ល្បឿនលឿនខ្វះការប្រុងប្រយ័ត្តបានទៅបុកពីក្រោយរថយន្ដម៉ាក ឡិចស៊ីស RX៣៣០ ពណ៌ទឹកប្រាក់ ពាក់ស្លាកលេខស្វាយរៀង២B-៧៧៩៧ បើកបរដោយឈ្មោះទិត្យ សារឿន ភេទប្រុស អាយុ៥៧ឆ្នាំ មុខរបរកសិករ រស់នៅភូមិព្នៅ ឃុំតាសួស ស្រុកស្វាយជ្រំខេត្តស្វាយរៀងបង្កការភ្ញាក់ផ្អើលដល់អ្នកភូមិ ខណៈមិនមានអ្នករងរបួសនោះទេ៕
ដោយ៖ សុថាន
