សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រសណ្តោងស៊ីទែនហ្គាសមួយគ្រឿងបានក្រឡាប់ផ្ងារជេីងរងការខូចខាត តែសំណាងដែរដែលមិនផ្ទុះ ខណៈកំពុងបេីកបរហេីយបួងចង្កូតគេចពីរថយន្តមួយគ្រឿងទៀតកាលពីវេលាម៉ោង៧ព្រឹក ថ្ងៃទី០៦ ខែមេសា ឆ្នាំ២០២៣ នៅចំណុចរង្វង់មូលផ្លូវល្បឿនលឿននិងផ្លូវឈ្នះ=ឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកុងតឺន័រសណ្តោងស៊ីទែនហ្គាស ពណ៌ក្រហម ពាក់ស្លាកលេខភ្នំពេញ3E- 0584 ធ្វេីដំណេីរតាមបណ្តោយមហាវិថីឈ្នះ=ឈ្នះ ក្នុងទិសដៅពីជេីងទៅត្បូងខណៈមកដល់ចំណុចរង្វង់មូលស្រាប់តែមានរថយន្តមួយគ្រឿងធ្វេីដំណេីរចុះពីផ្លូវល្បឿនលឿនធ្វេីឲ្យរថយន្តកុងតឺន័រចាប់ហ្វ្រ័ងបួងបង្កូតក៏ក្រឡាប់ផ្ងារជេីង តែសំណាងដែរដែលមិនធ្លាយហ្គាសផ្ទុះ ចំណែករថយន្តមួយគ្រឿងទៀតបន្តទៅមុខបាត់ទៅ។
ក្រោយកេីតហេតុសមត្ថកិច្ចចុះទៅដល់កន្លែងកេីតហេតុដោយសារតែខូចខាតផ្លូវល្បឿនលឿនក៏ប្រគល់ឱ្យក្រុមហ៊ុនផ្លូវល្បឿនលឿនដេីម្បីដោះស្រាយគ្នា៕
ដោយ៖សុខាសែនជ័យ
