សារព័ត៌មាន នគរវត្ត តែងតែនាំមុខគេជានិច្ច
យោងតាមទីភ្នាក់ងារព័ត៌មាន Reuters កាលពីថ្ងៃទី៩ ខែឧសភា អតីតនាយករដ្ឋមន្ត្រីប៉ាគីស្ថាន លោក Imran Khan ត្រូវបានចាប់ខ្លួនដោយកងកម្លាំងយោធា ខណៈបង្ហាញខ្លួននៅតុលាការក្នុងរដ្ឋធានី Islamabad ។យោងតាមប្រព័ន្ធផ្សព្វផ្សាយប៉ាគីស្ថាន លោក Khan បានទៅតុលាការដើម្បីសុំនៅក្រៅឃុំពាក់ព័ន្ធនឹងបណ្តឹងផ្សេងៗ ប៉ុន្តែគាត់ត្រូវបានចាប់ខ្លួនដោយកងទ័ពភ្លាមៗនៅពេលដែលគាត់បានបង្ហាញខ្លួន។
លោក Fawad Chaudhry ជំនួយការរបស់អតីតនាយករដ្ឋមន្ត្រីប៉ាគីស្ថានក៏បានបញ្ជាក់ពីព័ត៌មាននេះផងដែរ ហើយបាននិយាយថា មានការប៉ះទង្គិចគ្នានៅកន្លែងតុលាការ។
សាក្សីនៅកន្លែងកើតហេតុបាននិយាយថា ពេលលោក ខាន់ ដើរឡើងដល់តុលាការ កងកម្លាំងយោធាក្នុងរថពាសដែកបានប្រញាប់ប្រញាល់ចូលភ្លាមៗ។ ច្រកទ្វារតុលាការត្រូវបានរារាំងដោយរថពាសដែក ខណៈពេលដែលអតីតនាយករដ្ឋមន្ត្រីប៉ាគីស្ថានត្រូវបានបញ្ជូនទៅក្នុងរថយន្តមួយផ្សេងទៀត។
អតីតនាយករដ្ឋមន្ត្រី អ៊ីមរ៉ា ខាន់ ត្រូវបានទម្លាក់ចេញពីការបោះឆ្នោតសភា ដោយមិនមានទំនុកចិត្តក្នុងខែមេសា ឆ្នាំ 2022។ ចាប់តាំងពីពេលនោះមក លោកបានដឹកនាំយុទ្ធនាការជាបន្តបន្ទាប់ ដើម្បីអំពាវនាវឱ្យមានការបោះឆ្នោតសកលមុនកាលកំណត់។ លោក Khan ក៏បានចោទប្រកាន់រដ្ឋាភិបាលបច្ចុប្បន្នថាបានឃុបឃិតជាមួយយោធាដើម្បីទម្លាក់លោក៕ ដោយ៖ ធីរីណា
រូបថត៖ Reuters
រូបថត ៖ zingnews
