សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសអ្នកបើកបរគោយន្តម្នាក់បានស្លាប់ភ្លាមនៅនឹងកន្លែងកើតហេតុ ខណៈដែលគោយន្តកន្រ្តៃដឹកឫស្សី ហើយក្រឡាប់ធ្លាក់ប្រឡាយបុរសជាអ្នកបើកបររហូតដល់ ដាច់ខ្យល់ស្លាប់ ។ ហេតុការណ៍ក្រឡាប់គោយន្តនេះបានកើតឡើងយឡើងកាលពីវេលាម៉ោង១១និង៤៥នាទីថ្ងៃទី៣១ ខែសីហា ឆ្នាំ២០១៦ នៅតាមភូមិសាអង ឃុំប្រស្និប ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចបានអោយដឹងថា ជនរងគ្រោះក្នុងករណីក្រឡាប់គោយន្តនេះមានឈ្មោះឈ្មោះថន ខា ភេទប្រុស អាយុ២៧ឆ្នាំ រស់នៅភូមិថ្លុកជ្រៅ ឃុំអញ្ជាញរូង ស្រុកបរិបូរណ៌ ខេត្តកំពង់ឆ្នាំង ។
ប្រជាពលរដ្ឋដែលឃើញហេតុការណ៍បានប្រាប់អោយដឹងថា នៅមុនពេលកើតហេតុគោយន្តកន្រ្តៃមួយគ្រឿង ដឹកដើមឫស្សីពេញមួយគោយន្ត ដោយធ្វើដំណើរចេញភូមិសាអងក្នុងទិសដៅពីត្បូងទៅជើងតាមផ្លូវលំ ដែលមានស្ថានភាពពិបាក់ ពេលមកដល់ចំណុចកើតហេតុ ក៏ស្រាប់តែគោយន្តក្រឡាប់បះជើងឡើងលើ ធ្លាក់ចូលទៅប្រឡាយ ចំណែកឯជនរងគ្រោះដែលជាអ្នកបើកបរ បានខ្ទាតចូលស្នាមភ្លោះទឹកដក់ និង ត្រូវដើមឫស្សីសង្កត់ពីលើ បណ្តាលឲ្យស្លាប់ភ្លាមៗនៅនឹងកន្លែងកើតហេតុតែម្តង ។
ក្រោយពេលកើតហេតុត្រូវបានទំនាក់ទំនងក្រុមគ្រួសារប្រគល់សាកសពយកទៅធ្វើបុណ្យតាមប្រពៃណី ៕ ចន្ថា
