សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រាជរដ្ឋាភិបាល ចេញអនុក្រឹត្យ ស្តីពី ការផ្ទេរធនធានបន្ថែមពីថវិការដ្ឋជូនរដ្ឋបាលឃុំ សង្កាត់ សម្រាប់ចំណាយអភិវឌ្ឍន៍មូលដា្ឋន ។
រាជរដ្ឋាភិបាលសម្រេច :
បទប្បញ្ញត្តិទូទៅ
មាត្រា១..អនុក្រឹត្យនេះ កំណត់អំពីទំហំ ការផ្ទេរ និងការគ្រប់គ្រងធនធានបន្ថែមពីថវិការដ្ឋជូនរដ្ឋបាលឃុំ- សង្កាត់ សម្រាប់ចំណាយអភិវឌ្ឍន៍មូលដ្ឋាន ក្នុងថិរវេលា ០៥(ប្រាំ)ឆ្នាំ ពីឆ្នាំ២០២៤ ដល់ឆ្នាំ២០២៨ ដើម្បី លើកកម្ពស់ការផ្តល់សេវាសាធារណះ និងការអភិវឌ្ឍនៅមូលដ្ឋាន។
មាត្រា២… អនុក្រឹត្យនេះមានវិសាលភាពគ្របដណ្តប់លើរដ្ឋបាលឃុំ សង្កាត់ទាំងអស់នៅក្នុងព្រះរាជាណាចក្រ កម្ពុជា លើកលែងតែរដ្ឋបាលសង្កាត់ចំណុះរាជធានីភ្នំពេញ។
មាត្រា៣..កម្រិតនៃការផ្ទេរធនធានបន្ថែមពីថវិការដ្ឋជូនរដ្ឋបាលឃុំ សង្កាត់ សម្រាប់ចំណាយអភិវឌ្ឍន៍មូលដ្ឋាន ក្នុងថិរវេលា ០៥(ប្រាំ)ឆ្នាំ ត្រូវបានកំណត់ជាភាគរយ ដូចខាងក្រោម+
– ឆ្នាំថវិកា២០២៤ : ចំនួន ១ភាគរយនៃចំណូលចរន្តថវិកាថ្នាក់ជាតិ ដែលបានអនុម័តឆ្នាំ២០២៣ – ឆ្នាំថវិកា២០២៥ : ចំនួន ១ភាគរយនៃចំណូលចរន្តថវិកាថ្នាក់ជាតិ ដែលបានអនុម័តឆ្នាំ២០២៤
– ឆ្នាំថវិកា២០២៦: ចំនួន ១ភាគរយនៃចំណូលចរន្តថវិកាថ្នាក់ជាតិ ដែលបានអនុម័តឆ្នាំ២០២៥
– ឆ្នាំថវិកា២០២៧ : ចំនួន ១ភាគរយនៃចំណូលចរន្តថវិកាថ្នាក់ជាតិ ដែលបានអនុម័តឆ្នាំ២០២៦
– ឆ្នាំថវិកា២០២៨: ចំនួន ១ភាគរយនៃចំណូលចរន្តថវិកាថ្នាក់ជាតិ ដែលបានអនុម័តឆ្នាំ២០២៧។
សូមអានខ្លឹមសារ សម្ដេចតេជោនាយករដ្ឋមន្ត្រី ចេញអនុក្រឹត្យផ្ទេរធនធានបន្ថែម ពីថវិការដ្ឋជូនរដ្ឋបាលឃុំ សង្កាត់ សម្រាប់ចំណាយអភិវឌ្ឍន៍មូលដ្ឋានក្នុងថវិកា ០៥ឆ្នាំ ពីឆ្នាំ២០២៤-២០២៨ ដើម្បីលើកកម្ពស់ការផ្តល់សេវាសាធារណៈ និងការអភិវឌ្ឍនៅមូលដ្ឋាន ទាំងស្រុងដូចខាងក្រោម៕
ដោយ ៖ សិលា
