សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក ទេព ពិសិដ្ឋ ម្ចាស់ប្រេនS88 Beauty ដែលបើកហាងកែសម្ផស្ស រហូតដល់ ១៣ទីតាំងគ្មានច្បាប់ អនុញ្ញាតពីក្រសួងសុខាភិបាល ហើយដាក់សេរ៉ូមអោយសាច់ស ស្អាត រហូតដល់ភរិយា លោក ពាក់មី រងគ្រោះ ចូលសង្គ្រោះបន្ទាន់ , គ្រាដំបូង ថ្លើមពាសមេឃ អត់ព្រមចេញមុខ ដោះស្រាយ ទទួលខុសត្រូវ ជាមួយជនរងគ្រោះឡើយ។ ទីបំផុត ! បន្ទាប់ពីសមត្ថកិច្ច មានការសម្របសម្រួលនីតិវិធីដោយតំណាងអយ្យការ ឈានដល់នាំខ្លួន លោក ទេព ពិសិដ្ឋ ម្ចាស់ប្រេនS88 Beauty យកទៅសួរនាំ ដើម្បីកសាងសំណុំរឿង បញ្ជូនទៅតុលាការ ទើបនៅថ្ងៃនេះ ! លោក ទេព ពិសិដ្ឋ ម្ចាស់ប្រេនS88 Beauty បានចេញមុខមកសម្របសម្រួល សំណងជំងឺចិត្ត ដល់គ្រួសារ លោក ពាក់មី គ្រប់ចំនួន ហើយលោក ពាក់មី ក៏បានដកពាក្យបណ្ដឹង ។ ប៉ុន្តែតាមផ្លូវច្បាប់ ទោះជាមានសំណងរដ្ឋប្បវេណី រួចរាល់ក៏ដោយ នឹងថែមទាំងដក ពាក្យបណ្តឹង ក៏ លោក ទេព ពិសិដ្ឋ ម្ចាស់ប្រេនS88 Beauty ជាប់បណ្តឹងអាជ្ញា ដែលមន្ត្រីនគរបាលយុត្តិធម៌ ត្រូវតែកសាងសំណុំរឿងបញ្ជូនទៅតំណាងអយ្យការ។
នៅរសៀលថ្ងៃទី៦ ខែសីហា ឆ្នាំ២០២៣ មុននេះបន្តិច លោក ពាក់មី បានបង្ហោះលើ facebook ថា, ទីបំផុតលោក ទេព ពិសិដ្ឋ ម្ចាស់ប្រេនS88 Beauty បានចូលខ្លួនមកដោះស្រាយហេីយ អរគុណសមត្ថកិច្ចទាំងអស់ ដែលបានប្រឹងប្រែងតាមដានស្រាវជ្រាវលេីករណីនេះ ។ បេីពីដំបូង ប្អូនកុំគេចវ៉េស ហេីយចេញមុខមកទទួលខុសត្រូវ ភ្លាមៗនោះ រឿងក៏មិនធំដល់ថ្នាក់នឹងដែរ ឥឡូវហាងប្អូនទាំង13សាខា ត្រូវបានបិទ ហេីយត្រូវមានទោសទៀត។ ពេលនេះលោក ទេព ពិសិដ្ឋ បានសងសំណង តាមសំណេីរបស់ខ្ញុំ រួចរាល់ហេីយ ខ្ញុំក៏បានដកពាក្យបណ្តឹងដែរ តទៅមុខសូមប្អូនយកចិត្តទុក្ខដាក់ខ្ពស់ ដល់អតិថិជន សូមអរគុណ ។
សូមបញ្ជាក់ថា, ក្រសួងសុខាភិបាល បានបិទអាជីវកម្មរបស់ លោក ទេព ពិសិដ្ឋ ម្ចាស់ប្រេនS88 Beauty ទាំង 13 សាខា ប៉ុន្តែក្នុងសេចក្តីជូនដំណឹងដាក់ ១១សាខាសិន អាចអោយជំនាញ បន្ត ស៊ើបអង្កេត ស្រាវជ្រាវទៀត បន្ទាប់ពីរកឃើញថា, គ្មានច្បាប់អនុញ្ញាត និងព្យាបាលដល់អតិថិជន ដាក់សេរ៉ូមឲ្យសាច់សស្អាត រហូតដល់មានគ្រោះថ្នាក់ ចូលសង្គ្រោះបន្ទាន់ ។ ដូច្នេះក្រសួងមិនត្រឹមតែបិទអាជីវកម្មប៉ុណ្ណោះទេ ក៏បានកសាងសំណុំរឿងបញ្ជូនទៅតុលាការតាមនីតិវិធី។
សូមរំលឹកថា, សាខាហាងកែសម្ផស្ស របស់ លោក ទេព ពិសិដ្ឋ ម្ចាស់ប្រេនS88 Beauty ដែលក្រសួងសុខាភិបាលបិទ រួមមានដូចខាងក្រោម :
× S88 Beauty ស្ថិតនៅផ្ទះលេខ ១១០ ផ្លូវលេខ៥៣ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ
× S88 Beauty ស្ថិតនៅផ្ទះលេខ A៣៧ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ
× S88 Beauty ស្ថិតនៅផ្ទះលេខ ១២៩B ផ្លូវលេខ ៤៤០ សង្កាត់ទួលទំពូងទី២ ខណ្ឌចំការមន រាជធានីភ្នំពេញ
× S88 Beauty នៅផ្ទះគ្មានលេខ ផ្លូវលេខ ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ
♦ S88 Beauty ស្ថិតនៅផ្ទះលេខ ៣០C ផ្លូវលេខ ១៤៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ
× S88 Beauty ស្ថិតនៅផ្ទះលេខ ១៩A ផ្លូវលេខ១១ សង្កាត់ព្រៃស ខណ្ឌដង្កោ រាជធានីភ្នំពេញ
× S88 Beauty ១ទីតាំងនៅខេត្តព្រះសីហនុ × S88 Beauty ១ទីតាំងនៅខេត្តកំពត
♦ S88 Beauty ១ទីតាំងនៅខេត្តកំពង់ចាម
× S88 Beauty ១ទីតាំងនៅខេត្តសៀមរាប × S88 Beauty ១ទីតាំងនៅខេត្តបាត់ដំបង។
ក្រសួងសុខាភិបាល និងរដ្ឋបាលរាជធានី-ខេត្ត កំពុងបន្តស្រាវជ្រាវរកទីតាំងដទៃទៀត ហើយនឹងរៀបចំសំណុំរឿង បញ្ជូនទៅតុលាការ ដើម្បីចាត់វិធានការស្របតាមច្បាប់ជាធរមាន៕
ដោយ ៖ សុខ ខេមរា
