សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មន្ត្រីនគរបាលប៉ុស្ដិ៍រដ្ឋបាលស្ទឹងមានជ័យទី៣ បានឱ្យដឹងនារសៀលថ្ងៃទី២៥ ខែតុលា ឆ្នាំ២០២៣នេះថា មានជនសង្ស័យ០២នាក់ ក្នុងចំណោមបក្ខពួក០៣នាក់ត្រូវបានកម្លាំងនគរបាលប៉ុស្ដិ៍ ធ្វេីការឃាត់ខ្លួនករណីអំពើលួច (យកទ្រព្យសម្បត្តិ) ដែលប្រព្រឹត្តនៅវេលាម៉ោង២២.៣០នាទី ថ្ងៃទី២៣ ខែតុលា ឆ្នាំ២០២៣ នៅចំណុច ផ្ទះលេខ១៥៥B ផ្លូវបេតុង ភូមិដំណាក់ធំ៥ សង្កាត់ស្ទឹងមានជ័យទី៣ ខណ្ឌមានជយ័ រាជធានីភ្នំពេញ។
នគរបាលប៉ុស្ដិ៍ស្ទឹងមានជ័យទី០៣ បានបញ្ចាក់ថា ជនសង្ស័យ០២នាក់ ដែលឃាត់ខ្លួនបានរួមមាន ៖ ទី១ឈ្មោះ ពូក សុភ័ណ្ឌ ភេទប្រុស អាយុ៣៨ឆ្នាំ ជនជាតិខ្មែរ ស្នាក់នៅផ្ទះជួល ភូមិដំណាក់ធំ៥ សង្កាត់ស្ទឹងមានជ័យ៣ (ឃាត់ខ្លួន មានផ្ទុកសារធាតុញៀន) និងទី២ ឈ្មោះ ជា ចាន់នី ភេទប្រុស អាយុ៣១ឆ្នាំ ជនជាតិខ្មែរ ស្នាក់នៅ ផ្ទះជួល ភូមិដំណាក់ធំ៥ សង្កាត់ស្ទឹងមានជ័យ៣ (ឃាត់ខ្លួនមានផ្ទុកសារធាតុញៀន)។ ចំណែកជនរងគ្រោះឈ្មោះ ឡុង សាវ៉ាត ភេទប្រុស អាយុ៥៤ឆ្នាំ មុខរបរ លក់ដូរ ស្នាក់នៅផ្ទះកើតហេតុខាងលើ ។
ក្នុងនោះមានសម្ភារៈបាត់បង់ ឬខូចខាត :
– ម៉ាសុីនបោកខោអាវ១ ; ចង្រ្កានហ្គាស់តូចចំនួន១០ ; ចង្រ្កានហ្គាស់ធំ១ ; សោរសម្រាប់ជួសជុលរថយន្ត១បេ និងរទេះតូចចំនួន២។ និងវត្ថុតាងបន្សល់ ៖ធុងទឹកកកធំ១ ពណ៌ខៀវ (ប្រគល់ឱ្យជនរងគ្រោះវិញ)។
គួរបញ្ជាក់ថា កាលពីថ្ងៃទី២៣ ខែតុលា ឆ្នាំ២០២៣ វេលាម៉ោង ២២ម៉០០នាទី ជនរងគ្រោះឈ្មោះ ឡុង សាវ៉ាត បានចាក់សោរទ្វាផ្ទះរួចក៏ឡើងទៅសំរាកនៅជាន់ឡៅតឿ ដោយទុកសម្ភារៈខាងលើ នៅក្នុងបរិវេណផ្ទះ លុះដល់ម៉ោងកេីតហេតុ២២:៣០នាទី ក៏មានជនសង្ស័យចំនួន៣នាក់ខាងលេី បានផ្លោះរបងចូលលួចយកសម្ភារៈខាងលេីហេីយគេចខ្លួនបាត់។ បន្ទាប់មកជនរងគ្រោះបានមកដាក់ពាក្យប្តឹងនៅទីស្នាក់ការប៉ុស្តិ៍នគរបាលស្ទឹងមានជ័យ៣ ។
ក្រោយពីបានទទួលពាក្យប្តឹងហេីយ សមត្តកិច្ចប៉ុស្តិ៍នគរបាលស្ទឹងមានជ័យទី៣ បានចុះទៅកន្លែងកេីតហេតុ ឆែកកាមមេរ៉ាសុវត្ថិភាពមើល ក៏កំណត់មុខសញ្ញាបាន លុះដល់វេលាម៉ោង១៧:៣០នាទី ថ្ងៃទី២៤ ខែឆ្នាំដដែល សមត្ថកិច្ចប៉ុស្តិ៍ស្ទឹងមានជ័យទី៣ ល្បាតក្នុងភូមិសាស្ត្រក៏ឃើញជនសង្ស័យម្នាក់ឈ្មោះ ពូក សុភ័ណ្ឌ នៅតាមផ្លួវលំ ភូមិឬស្សី២ សង្កាត់ស្ទឹងមានជ័យទី៣ ក៏ឃាត់យកមកសាកសួរ រួចហេីយក៏បានបន្តឃាត់ខ្លួនជនសង្ស័យម្នាក់ទៀតឈ្មោះ ជា ចាន់នី យកមកសាកសួរបន្តទៀត ចំណែកជនសង្ស័យឈ្មោះ ខា គេចខ្លួនបាត់ ។
បច្ចប្បន្ននេះ ជនសង្ស័យទាំងពីរនាក់ខាងលេី ត្រូវបានសមត្ថកិច្ចជំនាញកសាងសំណុំរឿងបញ្ចូនអធិការដ្ឋាននគរបាលខណ្ឌមានជ័យ ចាត់ការបន្តតាមនីតិវិធី ៕
ដោយ ៖ ភារ៉ា ដង្កោ
