សារព័ត៌មាន នគរវត្ត តែងតែនាំមុខគេជានិច្ច
ក្រុមការពារតំណែងជើងឯកមេឃខៀវ Manchester City បានរក្សាកំណត់ត្រាដ៏ល្អឥតខ្ចោះនៃក្របខ័ណ្ឌ Champions League របស់ពួកគេជាមួយនឹងការទទួលជ័យជម្នះលើក្រុម Young Boys ក្នុងលទ្ធផល៣ទល់១កាលពីរំលងអធ្រាត្រឈានចូលថ្ងៃទី២៦ តុលា ឆ្នាំ២០២៣។
ខ្សែប្រយុទ្ធ Erling Haaland ស៊ុតបញ្ចូលទីបានពីរគ្រាប់ក្នុងតង់ទីពីរ ដែលជាគ្រាប់ដំបូងរបស់គាត់ក្នុងក្របខ័ណ្ឌ Champions League ក្នុង៦ប្រកួតដំបូងដោយការស៊ុតបាល់ប៉េណាល់ទី បន្ទាប់មកការខិតខំប្រឹងប្រែងយ៉ាងល្អ។ ក្រុមម្ចាស់ជើងឯក Man City បានគ្រប់គ្រងដំណើរការ និងនាំមុខនៅនាទីទី៤៨ដោយកីឡាករ Manuel Akanji។
ម្ចាស់ផ្ទះស្វីស Young Boys បានរក១គ្រាប់តាមស្មើវិញភ្លាមៗនៅនាទីទី៥២ ដោយកីឡាករ Meschack Elia។ ប៉ុន្តែការស៊ុតបាល់ប៉េណាល់ទីនៅនាទីទី៦៧របស់ Haaland បានធ្វើឲ្យក្រុមភ្ញៀវ Man City នាំមុខនៅក្នុងរយៈពេល៥នាទីទៀតប៉ុណ្ណោះ ហើយនៅនាទីទី៨៦ ខ្សែប្រយុទ្ធឆ្នើមរូបនេះបន្តរកបាន១គ្រាប់ទៀតធ្វើឲ្យ Man City នៅតែឈរនៅលើកំពូលតារាងនៃពូល G ជាមួយនឹង៩ពិន្ទុពី៣ប្រកួត។
ខ្សែការពារ Rico Lewis របស់ Man City បាននិយាយថា “នោះហើយជារបៀបដែលយើងត្រូវការ ប្រសិនបើអ្នកមិនចាប់យកឱកាសឱ្យពួកគេទេ វាអាចជាការលំបាក។ នៅទីបញ្ចប់ខ្សែប្រយុទ្ធបានឆ្លៀតឱកាសរបស់ពួកគេ ហើយយើងបានឈ្នះការប្រកួតនេះ”។
ក្រុមរបស់លោក Pep Guardiola ឥឡូវនេះមិនស្គាល់ចាញ់សោះក្នុងការប្រកួត Champions League ១៦លើកចុងក្រោយរបស់ពួកគេ ដោយឈ្នះ១០ និងស្មើ៦ដោយមានតែ Manchester United ធ្វើបានចន្លោះឆ្នាំ២០០៧ និងឆ្នាំ២០០៩ប៉ុណ្ណោះដែលធ្វើបានយូរដោយមិនចាញ់ក្នុងចំណោមក្រុមអង់គ្លេសក្នុងការប្រកួតនេះ។
បរាជ័យនេះធ្វើឲ្យក្រុម Young Boys មិនទាន់ស្គាល់ការឈ្នះនៅឡើទេក្នុង៣ប្រកួតនៅ Champions League ដោយត្រូវប៉ះក្រុមម្ចាស់ Man City វិញនៅថ្ងៃទី៨ ខែវិច្ឆិកាខាងមុខ ដែលកាន់តែអាចនឹងពិបាកស្វែងរកជ័យជម្នះ ៕
ដោយ៖ ភារៈ(រូបភាព ៖ BBC Sport)
