សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់បានរងរបួសធ្ងន់ធ្ងរ បន្ទាប់ពីបេីកម៉ូតូសណ្ដោងរុឺមកមកឈប់លក់សាច់គោនៅចិញ្ចេីមផ្លូវត្រូវបានរថយន្តដឹកទំនិញធុនធំបេីកមកបុកទាំងកំរោលបណ្តាលឱ្យខូចខាតយ៉ាងដំណំ បង្កការភ្ញាក់ផ្អេីលកាលពីវេលាម៉ោង២និង៣០នាទីរសៀលថ្ងៃទី២៧ ខែមីនា ឆ្នាំ២០២៤ នៅតាមបណ្ដោយផ្លូវបេតុងព្រៃស ក្នុងភូមិព្រៃវែងខាងកេីត សង្កាត់ព្រៃវែង ខណ្ឌដង្កោ រាជធានីភ្នំពេញ។
បេីតាមប្រភពព័ត៌មានពីកន្លែងកេីតហេតុបានឱ្យដឹងថា ជារៀងរាលថ្ងៃគេតែងឃេីញស្ត្រីរងគ្រោះបេីកម៉ូតូសណ្ដោងរុឺម៉កមកចតនៅលេីចិញ្ចេីមផ្លូវដេីម្បីលក់សាច់គោ ។ នៅថ្ងៃកេីតហេតុស្ត្រីរងគ្រោះកំពុងរៀបចំអីវ៉ាន់លក់សាច់គោដូចសព្វដង ក៏ស្រាប់តែមានរថយន្តដឹកទំនិញធុនធំមួយគ្រឿង ក្បាលពណ៌ស ពាក់ផ្លាកលេខ ភ្នំពេញ 4A-8891 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវបេតុងព្រៃស ក្នុងទិសដៅពីលិចមកកេីតដោយល្បឿនយ៉ាងលឿន ហេីយស្រាប់តែរេចង្កូតទៅបុកម៉ូតូសណ្ដោងរុឺម៉កលក់សាច់គោ បណ្ដាលឱ្យរងការខូចខាតយ៉ាងដំណំទាំងសងខាង តែស្ត្រីម្នាក់ជាអ្នកលក់សាច់គោបានរងរបួសធ្ងន់ធ្ងរត្រូវបានបងប្អូនប្រជាពលរដ្ឋដឹកបញ្ចូនទៅកាន់មន្ទីរពេទ្យដេីម្បីសង្គ្រោះអាយុជីវិត ។ ដោយឡែកតៃកុងរថយន្តបង្កក៏ត្រូវបានប្រជាពលរដ្ឋឃាត់ប្រគល់ឱ្យសមត្ថកិច្ចមូលដ្ឋានចាត់ការបន្ត ។
ក្រោយមក អាជ្ញាធរមូលដ្ឋានសហការជាមួយមន្ត្រីជំនាញចរាចរណ៍ខណ្ឌដង្កោ ចុះធ្វេីការវាស់វែងយករថយន្តបង្កនិងរុឺម៉ូតូសណ្ដោងរុឺម៉ក ទៅរក្សាទុកនៅអធិការដ្ឋាននគរបាលខណ្ឌដង្កោ ដេីម្បីរង់ចាំដោះស្រាយនាពេលក្រោយតាមនីតិវិធី ៕
ដោយ ៖ ភារ៉ា ដង្កោ
