សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិបរទេសម្នាក់បានពីលេីអគារ thepenthouse មកដល់ជាន់ទាល់ដីបណ្ដាលឲ្យស្លាប់ដោយមិនដឹងមូលហេតុ ។
ហេតុការណ៍នេះដែរបានបង្កឲ្យមានការភ្ញាក់ផ្អើលនៅវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៣ ខែកក្កដា ឆ្នាំ២០២៤ ចំណុចអគារខ្ពស់យីហោ the penthouse residence ដែលស្ថិតតាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សពជនរងគ្រោះ មិនទាន់ស្គាល់អត្តសញ្ញាណនៅឡើយទេ គ្រាន់តែដឹងថាជាជនជាតិបរទេស ។
បេីតាមប្រភពពីកន្លែងកើតហេតុបានឲ្យដឹងថា មុនពេលកេីតហេតុ គេមិនដឹងថាបុរសជនបរទេសមានរឿងអ្វីនោះទេ ក៏ស្រាប់តែធ្លាក់ពីអគារជាន់ទី១៧ មកដល់ដីបណ្ដាលឲ្យបែកក្បាលស្លាប់មួយរំពេចតែម្តង ។
ករណីនេះផងដែរ ភ្លាមៗខាងសន្តិសុខដែរយាមនៅទីនោះ បានរាយការណ៍ជូនកម្លាំងសមត្ថកិច្ចមូលដ្ឋាន ចុះទៅពិនិត្យកន្លែងកើតហេតុ និងបានហ៊ុំព័ទ្ធខ្សែ មិនឲ្យមានអ្នកចូលទៅបាននោះទេ ។
ពាក់ព័ន្ធករណីនេះផងដែរ សមត្ថកិច្ចមិនទាន់អាចបញ្ជាក់ថា ជនរងគ្រោះលោតសម្លាប់ខ្លួនឯង ឬពាក់ព័ន្ធករណីផ្សេងៗនោះទេ ដោយកម្លាំងជំនាញកោសល្យវិច័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ កំពុងតែធ្វើការពិនិត្យ ៕
ដោយ៖សុខាសែនជ័យ
