សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាថ្ងៃទី៣០ ខែសីហា ឆ្នាំ២០២៤ អង្គភាពកងរាជអាវុធហត្ថរាជធានីភ្នំពេញ បានបញ្ជាក់ឱ្យដឹងថា ៖ នៅព្រឹកថ្ងៃទី ២៩ ខែ សីហា ២០២៤ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានទទួល សញ្ញាបត្របញ្ជាក់កម្រិតក្បាច់គុនការ៉ាតេ ខ្សែក្រវ៉ាត់ខ្មៅ ៥ដាន់ ពីលោកប្រធានសហព័ន្ធការ៉ាតេកម្ពុជា គឺលោក បណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
លោក រ័ត្ន ស្រ៊ាង ធ្លាប់បានហាត់ការ៉ាតេ កម្រិតខ្សែក្រវ៉ាត់ខ្មៅ តាំងពី៤០ឆ្នាំមុនហើយក៏ធ្លាប់បានទទួលសញ្ញាបត្រកម្រិតអន្តរជាតិតេក្វាន់ដូ ខ្សែក្រវ៉ាត់ខ្មៅ ៤ដាន់ របស់សហព័ន្ធតេក្វាន់ដូអន្តរជាតិ ITF កាលពីឆ្នាំ ២០១២ផងដែរ៕
ដោយ ៖ សិលា
