សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: បុរសម្នាក់បានរងរបួសក្បាលជាច្រើនកន្លែង ដោយសារតែរូបគេ និងបក្ខពួក បានជិះម៉ូតូប្រដាប់ដោយដាវស៊ាំម៉ូរ៉ៃ ដេញកាប់ទៅលើក្រុមយុវជនប្រុសស្រីមួយក្រុមផ្សេងទៀត តែត្រូវក្រុមយុវជនប្រុសស្រី ដណ្តើមបានដាវកាប់ទៅវិញដេកក្នុងថ្លុកឈាម ។
ហេតុការណ៍នេះ កាលពីវេលាម៉ោង១រំលងអធ្រាត្រឈានចូលថ្ងៃទី ២ ខែសីហា ឆ្នាំ២០១៦នៅចំណុចការ៉ាស់សាំងតេលា មុខសាលាវិទ្យាល័យហ៊ុនសែនជម្ពូវន័ ច្រកចូលផ្សារឯករាជ្យ២ ស្ថិតក្នុងភូមិជម្ពូវន័ សង្កាត់ចោមចៅ ខណ្ឌពោធិសែនជ័យ ។
តាមប្រភពពីយុវជនដែលគេដេញកាប់បានប្រាប់អោយដឹងថា មុនពេលកើតហេតុ ពួកគេមានគ្នាប្រុសស្រីសរុប៨នាក់ ជិះម៉ូតូ៤គ្រឿង ទើបចេញពីដើរលេងអង្គុយផឹកស៊ីនៅកោះពេជ្យ ហើយម៉ោងជាង១២យប់មុនពេលកើតហេតុ ក្រុមគេក៏បាននាំគេមកវិញបំណងទៅផ្ទះ ពេលជិះម៉ូតូតាមផ្លូវ គ្នា២ម៉ូតូជិះនៅខាងមុខ រីឯពួកខ្លួន២ម៉ូតូទៀតជិះតាមពីក្រោយ រហូតមនដល់មុខប្រលានយន្តហោះពោធិចិនតុង ក៏លេចមុខជនមួយក្រុមមានគ្នា៤នាក់ម៉ូតូ២គ្រឿងម៉ាក ហុងដារសេ១២៥ តាមមកពីក្រោយដេញពួកខ្លួន ឃើញដូច្នេះ ក៏មានការភ័យខ្លាចបានបន្ថែមល្បឿនម៉ូតូ រត់មកដល់ចំណុចមុខវិទ្យាល័យជម្ពូវ័ន ក៏ត្រូវ ក្រុមដែលមានដាវដេញទាន់ ពួកគេទាំង២ម៉ូតូ បានបើកឆាកប្រយុទ្ធគ្នា ។
ប្រភពពីជនរងគ្រោះបានបន្តទៀតថា ក្រុមដែលដេញកាប់ពួកខ្លួន បានកាប់ទៅលើម៉ូតូរបស់គេមួយគ្រឿងម៉ាក Zoomer -X ខូតខាតយ៉ាងដំណំ ហើយបានរុញម៉ូតូរបសគេទម្លាក់ចូលក្នុងប្រឡាយទឹកស្អុយទៀតផង ហើយក៏ត្រូវពួកគេរកបានដំបងនៅជំុវិញកន្លែងកើតហេតុ ដេញប្រយុទ្ធទៅវិញទៅមក រហូតដណ្តើមបានដាវរបស់ជនបង្ករដំបូង រួចបានកាប់ទៅលើជនបង្ករម្នាក់បណ្តាលអោយរបួសក្បាលជាច្រើនកន្លែងដេកដួលក្នុងថ្លុកឈាម ហើយក្រុមជនបង្ករបានឃើញដូច្នេះ ក៏បាននាំគ្នាជិះម៉ូតូរត់ក្រោយគ្នាគេចេញទៅបានទៅមក ក្រោយពេលកើតហេតុ បានបន្តិចក៏ប្រទះនិងកំលាំងល្បាត ចូលទៅបង្ក្រាបនិងឃាត់បានបីនាក់ភ្លាម ដោយឡែកបុរសដែលកាប់គេ ត្រូវគេកាប់វិញក្លាយជាជនរងគ្រោះនោះត្រូវបានគេស្គាល់ឈ្មោះសៀង វិសិទ្ធ អាយុ២៥ឆ្នាំ មុខរបរលាងម៉ូតូ ស្នាក់នៅភូមិព្រៃទា សង្កាត់ចោមចៅ ខណ្ឌពោធិសែនជ័យ មានស្រុកកំណើតនៅស្រុកស្វាយអន្ទរ ខេត្តព្រៃវែង ។រីឯ ក្រុមជនរងគ្រោះតែឥលូវក្លាយជាជនដៃដល់វិញហើយ ទីមួយមានឈ្មោះ ណាក់ ណុប អាយុ២០ឆ្នាំ ទី២មានឈ្មោះ វណ្ណ ដា អាយុ២៣ អ្នកទាំង២ នាក់ធ្វើកានៅហាង ស៊ុប ស៊ុន ហេងជម្ពូវ័ន ស្នាក់នៅកន្លែងធ្វើការ ទី៣មានឈ្មោះ សឿន ចាន់ធឿនអាយុ ២៤ឆ្នាំ មុខរបរជាម៉ាស៊ីនដេរ ស្នាក់ផ្ទះជួលភូមិជម្ពូវ័ន សង្កាត់ចោមចៅ ហើយសមត្ថកិច្ចបានដកហូតម៉ូតូ២គ្រឿង ម៉ាក Zoomer -X មួយគ្រឿងនិងម៉ាកស្សុយស៊ីគីស្មាស់ វីមួយគ្រឿង ។
ក្រោយពេលកើតហេតុ កំលាំងបានឃាត់ខ្លួនយុវជនទាំង៣នាក់រួមនឹងម៉ូតូ២គ្រឿងមកប៉ុស្តិ៍នគរបាលចោមចៅ ដើម្បីកសាងសំណុំរឿងបញ្ចូនខ្លួនមកជំនាញព្រហ្មទណ្ឌខណ្ឌធ្វើការចាត់ការបន្ត តាមនិតិវិធីច្បាប់ ៕ សុខាសែនជ័យ
