សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលព្រហ្មទណ្ឌខណ្ឌដូនពេញ សហការជាមួយកម្លាំងពិសេសផ្នែកអន្តរគមន៍ក្រុង ជិះល្បាតក្នុងមូលដ្ឋានក៏ប្រទះឃើញយុវជន២នាក់ក្នុងតែជិះម៉ូតូតាមផ្លូវ ដោយមានការសង្ស័យបានឃាត់ខ្លួននិងឆែកឆេររកឃើញ ថ្នាំញៀនប្រភេទម៉ាទឹកកក១កញ្ចប់ ពីបទប្រើប្រាស់នូវសារធាតុញៀនដោយខុសច្បាប់ ។
ករណីខាងលើនេះ បានធ្វើឡើងកាលពីវេលាម៉ោង១រំលងអាធ្រាតឈានចូលថ្ងៃទី ១២ ខែសីហា ឆ្នាំ២០១៦ នៅចំណុចផ្លូវលេខ៧០ កែងផ្លូវលេខR៦ សង្កាត់ស្រះចកខណ្ឌដូនពេញ រាជធានីភ្នំពេញ។
ជនសង្ស័យ២នាក់ខាងលើនេះទី១ឈ្មោះ ភី គន្ធា ភេទប្រុស អាយុ២៣ឆ្នាំ ;ទី២ ឈ្មោះសេង ឃាន់ ភេទប្រុស អាយុ២៣ឆ្នាំ អ្នកទាំង២ជាកម្មករសំណង់ ស្នាក់នៅក្នុងការដ្ឋានម្តុំព្រែលៀប ។
មន្រ្តីនគរបាលព្រហ្មទណ្ឌខណ្ឌដូនពេញ បានឲ្យដឹងថា នៅមុនពេលឃាត់ខ្លួនយុវជន២នាក់នេះ គឺកម្លាំងនគរបាលព្រហ្មទណ្ឌខណ្ឌដូនពេញ សហការជាមួយកម្លាំងពិសេសផ្នែកអន្តរគមន៍ក្រុង ជិះល្បាតក្នុងមូលដ្ឋានក៏ប្រទះឃើញយុវជន២នាក់ក្នុងតែជិះម៉ូតូតាមផ្លូវ លេខ៧០ ដោយមានការសង្ស័យបានឃាត់ខ្លួននិងឆែកឆេររកឃើញ ថ្នាំញៀនប្រភេទម៉ាទឹកកក១កញ្ចប់ និងម៉ូតូ១គ្រឿងម៉ាក់ហុងដា វ៉ែវ ពណ៍ខ្មៅ ពាក់ស្លាកលេខភ្នំពេញ ១D-៦៩៤៦ ។
បច្ចុប្បន្នយុវជនទាំង២នាក់នេះ ត្រូវបានឃាត់ខ្លួនបណ្ដោះអាសន្ន នៅអធិការដ្ឋាននគរបាលខណ្ឌដូនពេញ ដើម្បីធ្វើការសាកសួរកសាងសំនុំរឿងចាត់ការតាមនិតីវិធី ៕ ស ដារ៉ា
