សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមប្រភពព័ត៌មានពីអគ្គស្នងការនគរបាលជាតិ បានឱ្យដឹងនៅព្រឹកថ្ងៃអង្គារទី២៤ ខែកញ្ញា ឆ្នាំ២០២៤នេះថា៖ ជនសង្ស័យចំនួន ៦៤នាក់ (ស្រី ៥នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៣៥ករណី ទូទាំងប្រទេសនៅថ្ងៃទី២៣ ខែកញ្ញា ឆ្នាំ២០២៤ ។ ដូច្នេះសូមយុវជន និងយុវតីគ្រប់រូបគួរជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក !
ក្នុងចំណោមជនសង្ស័យចំនួន ៦៤នាក់ រួមមាន៖ ជួញដូរ ៤ករណី ឃាត់ ៦នាក់(ស្រី ១នាក់), ដឹកជញ្ជូន រក្សាទុក ១៦ករណី ឃាត់ ២៩នាក់(ស្រី ២នាក់),ប្រើប្រាស់ ១៥ករណី ឃាត់ ២៩នាក់(ស្រី ២នាក់)។
វត្ថុតាងដែលចាប់យកសរុបរួមមាន៖ មេតំហ្វេតាមីន ម៉ាទឹកកក(Ice) ស្មេីនិង ២៣៤,៨៩ក្រាម។ មេតំហ្វេតាមីន(Wy)ស្មេីនិង ៤,៧៨ក្រាម។ កេតាមីន(Ke)ស្មេីនិង ៣៥,០៥ក្រាម។ អុិចស្តាសុី(mdma)ស្មេីនិង ០,២០ក្រាម។ ហេរ៉ូអុីន(Heroine)ស្មេីនិង ៥២៨,៥៥ក្រាម។
ក្នុងប្រតិបត្តិការនោះជាលទ្ធផលខាងលើ ១០អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៨អង្គភាព
*១ / មន្ទីរ៖ រក្សាទុក ១ករណី ឃាត់ ១នាក់ ចាប់យកIce ៨,០១ក្រាម។
*២ / បាត់ដំបង៖ ជួញដូរ ១ករណី ឃាត់ ១នាក់ រក្សាទុក ២ករណី ឃាត់ ២នាក់ ប្រើប្រាស់ ១ករណី ឃាត់ ១នាក់ និងដីកា ៣ករណី ចាប់យកIce ៣២,៩៨ក្រាម។
*៣ / កំពង់ស្ពឺ៖ ជួញដូរ ១ករណី ឃាត់ ២នាក់ រក្សាទុក ៧ករណី ឃាត់ ១៧នាក់ ចាប់យកIce ១៨,៦៧ក្រាម។
*៤ / កំពង់ធំ៖ ប្រើប្រាស់ ១ករណី ឃាត់ ៦នាក់។
*៥ / រាជធានីភ្នំពេញ៖ រក្សាទុក ២ករណី ឃាត់ ៣នាក់ ប្រើប្រាស់ ១២ករណី ឃាត់ ១៥នាក់ ស្រី ២នាក់ ចាប់យកIce ២,៣៨ក្រាម។
*៦ / តាកែវ៖ រក្សាទុក ១ករណី ឃាត់ ៣នាក់ ចាប់យកIce ០,៦៣ក្រាម។
*៧ / សៀមរាប៖ ប្រើប្រាស់ ១ករណី ឃាត់ ៧នាក់ និងអនុវត្តន៍ដីកា ១ករណី ចាប់ ១នាក់។
*៨ / ស្វាយរៀង៖ ជួញដូរ ២ករណី ឃាត់ ៣នាក់ ស្រី ១នាក់ និងអនុវត្តន៍ដីកា ១ករណី ចាប់ ១នាក់ ចាប់យកIce ១៧២,២២ក្រាម, Ke ២៧,៦៥ក្រាម, MDMA ០,២០ក្រាម និងHeroine ៥២៨,៥៥ក្រាម។
ដោយឡែកកម្លាំងកងរាជអាវុធហត្ថខេត្ត ២អង្គភាព
*១ / បន្ទាយមានជ័យ៖ រក្សាទុក ២ករណី ឃាត់ ៤នាក់ ចាប់យកWy ៤,៧៨ និងKe ៧,៤០ក្រាម។
*២ / ស្ទឹងត្រែង៖ រក្សាទុក ១ករណី ឃាត់ ២នាក់ ស្រី ២នាក់៕
ដោយ៖ តារា
