សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ជនសង្ស័យ២នាក់បានជិះម៉ូតូមួយគ្រឿងឌុបគ្នាដេញតាមនារីជានិសិត្សនៃសាកលវិទ្យាល័យបៀលប្រាយម្នាក់ដែលទើបតែចេញពីរៀន រហូតដល់ផ្លូវវាងកន្លែងស្ងាត់ក៏បានដកកាំភ្លើងគំរាមបាញ់នារីរងគ្រោះរួចប្លន់យកម៉ូតូជិះគេចខ្លួនបានដោយសុវត្ថិភាព។ ករណីប្លន់ម៉ូតូពីនារីជានិស្សិត នេះបានកើតឡើងនៅវេលាម៉ោង៩និង៥នាទីយប់ថ្ងៃទី១៥ ខែសីហា ឆ្នាំ២០១៦ នៅតាមបណ្ដោយផ្លូវ៤៦០ មុខផ្ទះលេខ៨ ស្ថិតនៅក្នុងភូមិ៤ សង្កាត់ទួលទំពូង១ ខណ្ឌ ចំការមន។
នារីរងគ្រោះមានឈ្មោះលីវ បិវួច ភេទ ស្រី អាយុ២២ឆ្នាំ មុនរបរជានិសិ្សតឆ្នាំទី១នៅសកលវិទ្យាល័យបៀលប្រាយមានទីលំ នៅផ្ទះលេខ១៩៦E1 ផ្លូវលេខ១៥៥ ភូមិ៤ សង្កាត់ទួលទំពូង១ ខណ្ឌចំការមន ។ រីឯ ជនសង្ស័យមានគ្នា២នាក់មិនស្គាល់អត្ត សញ្ញាណមានវ័យជាង២០ឆ្នាំ។
បើតាមសម្ដីនារីរងគ្រោះខាងលើបានប្រាប់ឲ្យដឹងថា នៅមុខពេលកើតហេតុគឺរូបគាត់បានចេញពីរៀននៅសាកលវិទ្យាល័យ បៀលប្រាយ ហើយបានជិះម៉ូតូម៉ាក ZOOMER X ពណ៌ខៀវ ពាក់ស្លាកលេខ ភ្នំពេញ1FX-7196 ដើម្បីសំដៅទៅផ្ទះ ដែលនៅក្បែរនឹងកន្លែងកើតហេតុខាង លើ។ ខណៈជិះម៉ូតូជិតដល់ផ្ទះទៅហើយនោះក៏ស្រាប់តែមានជនសង្ស័យ២នាក់ ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ តែមិនចាំស្លាកលេខជិះឌុបគ្នាតាមមកពីក្រោយហើយកាក់ចំពីមុខម៉ូតូរូបនាងរួច ដកកាំភ្លើងខ្លីមិនស្គាល់ម៉ាកដោយគំរាមថានិងបាញ់សម្លាប់ចោលបើមិនឲ្យម៉ូតូទៅ ពួកវា។ ភា្លមនោះរូបនាងភ័យខ្លាំងពេកក៏ ចុះពីលើម៉ូតូ ហើយជនសង្ស័យម្នាក់ក៏ឡើងជិះម៉ូតូគេចខ្លូនបាត់បានដោយសុវត្ថិភាពទាំង២នាក់តែម្ដង។
ក្រោយពេលកើតហេតុជនងគ្រោះត្រូវបានកម្លាំងកងរាជអាវុធហត្ថខណ្ឌចំការមន ចុះទៅដឹករូបនាងមកដាក់ពាក្យបណ្ដឹងដើម្បីកំណត់មុខសញ្ញាតាមចាប់ជនសង្ស័យ ៕ ភារ៉ា ដង្កោ
