សមត្ថកិច្ចកានគរបាលស្រុកអូររាំង ឃាត់ខ្លួនជនសង្ស័យម្នាក់ ក្នុងករណីបើកបរក្រោម ឥទ្ធិពល នៃសារធាតុញៀន

ខេត្តមណ្ឌលគិរី៖ ដោយអនុវត្តនៅបទបញ្ជាយ៉ាងមុឹងម៉ាត់ពី លោកឧត្តមសេនីយ៍ទោ ឡោ សុខា ស្នងការនគរបាលខេត្ត។ នៅថ្ងៃទី១៤ ខែធ្នូ ឆ្នាំ២០២៤ នាវេលាម៉ោង​ ០៣ និង​ ៣៧នាទីយប់នៅត្រង់ចំណុចផ្លូវជាតិលេខ ៧៦ ស្ថិតក្នុងភូមិពូរ៉ាង ឃ៉ំសែនមនោរម្យ ស្រុកអូររាំង ខេត្តមណ្ឌលគិរី។ ដោយមានការសម្របសម្រួលនីតិវិធីពី លោក​ ស៊ាវ​ ងីឈាន់​ ព្រះរាជអាជ្ញារងអមសាលាដំបូងខេត្តមណ្ឌលគិរី​ ។  នៅថ្ងៃទី១៤ ខែធ្នូ ឆ្នាំ២០២៤ នាវេលាម៉ោង​ ០៣ និង​ ៣៧នាទីយប់ កម្លាំងសមត្ថកិច្ចជំនាញការិយាល័យប្រឆាំងគ្រឿងញៀ និងអធិការនគរបាលស្រុកអូររាំងបាន សហការពីគណៈបញ្ជាការឯកភាពស្រុក និងខណ្ឌរដ្ឋបាលជលផលខេត្តមណ្ឌលគិរី នៃមន្ទីកសិកម្មរុក្ខប្រមាញ់ និងនេសាទចុះត្រួតពិនិត្យពាក់ព័ន្ធបទល្មើសជលផល (ដឹកជញ្ជូន ផលផលិតផលខុសច្បាប់គ្រប់ប្រភេទ ដែលកំណត់ក្នុងលិខិតអនុញ្ញាត) ។

កម្លាំងសមត្ថកិច្ចជំនាញ បានធ្វើការឃាត់រថយន្តបានចំនួន ១ គ្រឿង និងមនុស្សចំនួន ១ នាក់ ភេទប្រុស ដែលជាជនសង្ស័យបើកបរ ក្រោមឥទ្ធិពល នៃសារធាតុញៀន នៅត្រង់ចំណុចលើដងផ្លូវជាតិ៧៦Aស្ថិតនៅភូមិពូរាំង ឃ៉ំសែនមនោរម្យ ស្រុកអូររាំង ខេត្តមណ្ឌលគិរី។

ជនសង្ស័យមានឈ្មោះដូចខាងក្រោម៖ ១/ ឈ្មោះ ហុង ហ៊ាន ហៅហ៊ាន ភេទប្រុស អាយុ ២៨ឆ្នាំ ជនជាតិខ្មែរ មុខរបរអាជីវករ ទីលំនៅបច្ចុប្បន្នរស់នៅភូមិកណ្ដាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។  បានធ្វើតេស្ដរកសារធាតុញៀនក្នុងទឹកម៉ូតរបស់ជនសង្ស័យជាលទ្ធផលវិជ្ជមាន(+)។ វត្ថុតាងដែលកម្លាំងសមត្ថកិច្ចចាប់យករួមមានដូចខាងក្រោម៖ ១. ទូរស័ព្ទចំនួន ០១គឿង ម៉ាកអាយហ្វូន ១៣ប្រូម៉ែក (IPHONE 13PRO MAX) ។ ២. រថយន្ដឡិចស៉ីស (LEXUS RX300) ចំនួន ០១គ្រឿងពណ៌ទឹកមាស ពាក់ស្លាកលេខភ្នំពេញ ២AH 1332 ។

បច្ចុប្បន្នជនសង្ស័យខាងលើ ត្រូវបានកម្លាំងជំនាញ នៃអធិការដ្ឋាននគរបាលស្រុកអូររាំង និងកម្លាំងជំនាញការិយាល័យប្រឆាំងគ្រឿងញៀន កំពុងកសាងសំណុំរឿង ទៅតុលាការចាត់ការទៅតាមនីតិវិធីច្បាប់៕

ដោយ៖ អរុណរះ