សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ គ្រោះថ្នាក់ចរាចរណ៍ មួយបានកើតឡើងរវាងរថយន្តសាំយ៉ុង នឹងរ៉ឺម៉កម៉ូតូបណ្តាលឲ្យមានអ្នកស្លាប់៣ នាក់ភ្លាមៗនៅនឹងកន្លែងយ៉ាងអាណោចអាធ័ម។ ចំណែកភាគីរថយន្តបង្កបានបើករថយន្តគេចបាត់បង្កឲ្យមានការភ្ញាក់ផ្អើលកាលពីវេលាម៉ោង៦និង៣០នាទីល្ងាចថ្ងៃទី៧ ខែកញ្ញា ឆ្នាំ២០១៦ នៅលើកំណាត់ផ្លូវ លេខ២៦អា ស្ថិតក្នុងភូមិលេខ២ ឃុំចំការ អណ្តូង ស្រុកចំការលើ ខេត្តកំពង់ចាម ។
ប្រភពព័ត៌មានពីកន្លែងកើតហេតុបាន ឲ្យដឹងថា នៅមុនពេលកើតហេតុមានភ្លៀង ធ្លាក់យ៉ាងខ្លាំងក្នុងភូមិសា្រស្តស្រុកចំការ លើ ។ នៅពេលនោះមានគ្រួសារមួយមាន សមាជិក៤នាក់ បានជិះម៉ូតូសណ្តោងរ៉ឺម៉ក បើកបរដោយឈ្មោះ ជា ឌិន ភេទប្រុស អាយុ២១ឆ្នាំ មានទីលំនៅភូមិថ្មី ឃុំតាប៉ុក ស្រុកចំការលើ ខេត្តកំពង់ចាម ធ្វើដំណើរ ក្នុងទិសដៅពីកើតទៅលិច ។ លុះមកដល់ កន្លែងកើេតហេតុស្រាប់តែមានរថយន្តសាំ យ៉ុងមួយគ្រឿង ពណ៌លឿង មិនចាំស្លាក លេខបើកបរដោយបុរសម្នាក់មិនស្គាល់ អត្តសញ្ញាណធ្វើដំណើរក្នុងទិសដៅពីលិច ទៅកើត (បញ្ច្រាសទិសគ្នា) ។
ប្រភពដដែលបន្តថា ដោយសារមាន ភ្លៀងធ្លាក់ខ្លាំង និងចាំងពន្លឺចង្កៀងរថយន្ត ផងនោះធ្វើឲ្យរថយន្តសាំយ៉ុងបើកទៅកៀរ ជាមួយរឺុម៉កម៉ូតូធ្វើឲ្យអ្នកជិះនិងអ្នកបើកបរធ្លាក់ពីលើរ៉ឺម៉ក និងម៉ូតូហើយក៏ត្រូវរថយន្តកិនស្លាប់៣នាក់តែម្តង ។
ជនរងគ្រោះទាំង៣នាក់ទី១-ឈ្មោះ ស៊ន់ ភេទប្រុស អាយុ៥២ឆ្នាំ ជាឪពុក, ទី២-ឈ្មោះ ជា ស្រីនិច ភេទស្រី អាយុ១៩ ឆ្នាំ (កូន) និងទី៣-ឈ្មោះ ជា សិលា ភេទ ប្រុស អាយុ៩ឆ្នាំ (កូន) ។ អ្នកទាំង៣រស់ នៅភូមិថ្មី ឃុំតាប៉ុក ស្រុកចំការលើ ខេត្ត កំពង់ចាម ។ ចំណែកអ្នកបើកបរម៉ូតូ សណ្តោងរ៉ឺម៉កឈ្មោះ ជា ឌិន បានរងរបួស មធ្យម ។
លោក លឹម សុធី អធិការរងនគរបាល ស្រុកចំការលើទទួលផែនសណ្តាប់ធ្នាប់ បានឲ្យដឹងថា សមត្ថកិច្ចបានខិតខំតាមរក រថយន្តបង្កហេតុដែរ តែពុំឃើញទាល់តែ សោះដោយសារតែមានភ្លៀងធ្លាក់ខ្លាំងពេក ទើបធ្វើឲ្យបាត់តម្រុយរថយន្តបង្ក ។
ទោះជាយ៉ាងណាសមត្ថកិច្ចបានសហ ការជាមួយនគរបាលខេត្តកំពង់ធំ និងខេត្ត កំពង់ចាមដើម្បីស្រាវជ្រាវតាមរករថយន្ត សាំយ៉ុងបង្កហេតុដើម្បីឲ្យម្ចាស់ទទួលខុស ត្រូវចំពោះមុខច្បាប់ ៕ ហេង នរិន្ទ្រ
