សារព័ត៌មាន នគរវត្ត តែងតែនាំមុខគេជានិច្ច
ក្លិបធំរបស់ប្រទេសអេស្ប៉ាញ Barcelona បានសំពងយ៉ាងចាស់ដៃទៅលើក្លិបយក្សរបស់ស្កុតឡេន Celtic ដោយលទ្ធ ផល៧-០នៅក្នុងការប្រកួតក្របខ័ណ្ឌ Champions League ថ្ងៃបើកឆាកក្នុងពូល C ។
ខ្សែប្រយុទ្ធអន្តរជាតិអាហ្សង់ទីនLionel Messiស៊ុតបាល់បាន៣គ្រាប់តែម្នាក់ឯងនៅក្នុងការប្រកួតនោះនៅនាទីទី3,27 និង60 ។ ចំណែកកីឡាករ Luis Suarez ស៊ុតបាន២គ្រាប់និងកីឡាករ Neymar រកបានមួយគ្រាប់និងខ្សែបម្រើជើងចាស់ Iniesta ក៏រកបានមួយគ្រាប់ផងដែរ ។
លោក Brendan Rodgers គ្រូបង្វឹក របស់ក្រុម Celtic បាននិយាយថា “មិនមាន អ្វីគួរឲ្យខ្មាសគេនោះទេដោយសារតែពួកគេធ្វើបានល្អជាងយើង”។
ចំណែកមួយគូផ្សេងទៀតក្នុងពូលជាមួយគ្នានេះគឺការប្រកួតរវាងក្រុម Manchester City នឹងក្រុម Borussia Moenchengladbach ត្រូវបានផ្អាកដោយសារតែ អាកាសធាតុមិនអំណោយផល ។
ខាងក្រោមនេះគឺជាលទ្ធផលនៃការ ប្រកួតបាល់ទាត់កាលពីថ្ងៃទី១៤ខែកញ្ញាឆ្នាំ២០១៦៖
Newcastleដាក់បង្ហាញរូបសំណាក់ Alan Shearerដែលជាវិរៈបុរសបាល់ទាត់របស់ខ្លួន
ក្លិបបាល់ទាត់ Newcastle កំពុងលេង នៅក្នុងក្របខ័ណ្ឌអង់គ្លេស Championshipបានដាក់បង្ហាញរូបសំណាក់របស់លោក Alan Shearer ដែលជាកីឡាករស៊ុតបាល់ច្រើនជាងគេបំផុតឲ្យក្លិប ។
រូបសំណាក់ទាំងមូលនេះមានតម្លៃ២៥ម៉ឺនផោនហើយត្រូវបានដាក់បង្ហាញនៅ ខាងក្រៅកីឡដ្ឋាន StJames’ Parkដែលជាទឹកដីរបស់ក្លិបNewcastle ។
នៅក្នុងពិធីតាំងបង្ហាញរូបសំណាក់នោះក៏បានមានវត្តមានរបស់លោក Alan Shearer ផ្ទាល់និងអតីតគ្រូបង្វឹក Kevin Keegan និង coach Terry Mc Dermott ផងដែរ ។
លោក Alan Shearer បានថ្លែងថា “ខ្ញុំពិតជាមានមោទនភាពនិងកិត្តិយសខ្លាំងណាស់ដែលឈរនៅទីនេះជារូបសំណាក់។ ខ្ញុំមិនដែលគិតថាខ្ញុំត្រូវបានគេសង់រូបសំណាក់ឲ្យដូចនេះទេ ។ ខ្ញុំពិតជាមានសំណាង ណាស់”៕
