សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល: ឆ្លៀតពេលសំរាកពីការងាររបស់រាជរដ្ឋាភិបាល នៅព្រឹកថ្ងៃសៅរ៍ចុងសប្តាហ៍ ទី២៤ ខែកញ្ញា ឆ្នាំ២០១៦នេះ លោកម៉ក់ ពេជ្ជរិទ្ធ ប្រតិភូរាជរដ្ឋាភិបាលទទួលបន្ទុកអគ្គនាយកដ្ឋានកាំកុងត្រូលនិងជាប្រធានក្រុមការងារចុះជួយឃុំដីឥដ្ឋ និងឃុំភូមិធំ បានដឹកនាំ ក្រុមការងារចុះជួបសំណេះសំណាលជាមួយប្រជាពលរដ្ឋជាង៥០០គ្រួសារដើម្បីបង្កើនភាពជិតស្និទ្ធ ស្វែងយល់ការពីការរស់នៅ និងដោះស្រាយសំណូមជូនប្រជាពលរដ្ឋ ជាមួយគ្នានេះដែរក្រុមការងារក៍បាននាំយកអំណោយជាអង្ករជិត៦តោនរបស់គណបក្សប្រជាជនទៅចែកជូនផងដែរ ។
សកម្មភាពមនុស្សធម៍របស់ក្រុមការងារគណបក្សប្រជាជនចុះជួយឃុំដីឥដ្ឋបានធ្វើឡើងជាច្រើនភូមិមកហើយ សម្រាប់ថ្ងៃនេះក្រុមការងារបានជួបសំណេះសំណាលជាមួយអ្នកភូមិដីឥដ្ឋកោះផុស ឃុំដីឥដ្ឋ ស្រុកកឿនស្វាយ មានប្រជាពលរដ្ឋចូលរួមចំនួនជាង៥០០នាក់ ក្នុងនោះគ្រួសារនីមួយៗទទួលបានអង្ករ១០គីឡូក្រាមស្មើៗគ្នា ដោយពិនិត្យឃើញ ថា គ្រួសារខ្លះមានជីវភាពក្រីក្រលំបាក ទទួលបានអង្ករ២០ គីឡូ ក្រាម គ្រួសារខ្លះទៀតអត់មានលទ្ធភាពព្យាបាលជំងឺ ត្រូវបានលោកប្រធានក្រុមការងារជួយដោះស្រាយថ្លៃសេវ៉ាព្យាបាលផងដែរ ។
ជួបជាមួយអ្នកភូមិដីឥដ្ឋកោះផុស២ លោកម៉ក ពេជ្ជរឹទ្ធ ប្រធានក្រុមការងារចុះជួយឃុំដីឥដ្ឋបានមតិសំណេះសំណាលនិងផ្តាំផ្ញើអោយបងប្អូនត្រូវចេះស្រលាញ់រាប់អានគ្នាកុំប្រកាន់និន្នាការនយោបាយ ត្រូវខិតខំរកស៊ីទទួលទានដើម្បីទ្រទ្រង់ក្នុងជីវភាពគ្រួសារ តែសូមបងប្អូនត្រូវគិតថាមានតែគណបក្សប្រជាជនមួយប៉ុណ្ណោះដែលនៅជិតប្រជាជន បំរើប្រជាជន យកចិត្តទុកដាក់ជាមួយប្រជាជន ជាពិសេសបានដឹកនាំប្រទេសជាតិតាំងបាតដៃទទេរហូតទទួលបានសន្តិភាពនិងមានការអភិវឌ្ឍន៍រីកចំរើនលើគ្រប់វិស័យទាំងផ្នែកពុទ្ធិចក្រនិងអាណាចក្រ ។ ចំណែកគណបក្សផ្សេងបានត្រឹមតែថា សន្យាចោលៗ និយាយអោយខ្លីគឺបោកប្រាស់ប្រជាពលរដ្ឋដើម្បីកេងចំណេញនយោបាយ ដូច្នេះចាប់ពីពេលនេះទៅសូមបងប្អូនត្រូវធ្វើការពិចារណាអោយបានច្បាស់លាស់មុននិងសម្រេចចិត្តបោះឆ្នោតអោយគណបក្សនយោបាយ គ្មានគណបក្សណាជួយបងប្អូនកូនក្មួយក្រៅពីគណបក្សប្រជាជននោះឡើយ ចាត់ទុកប្រជាពលរដ្ឋគឺជាម្ចាស់ចំណែកក្រុមការងារនិងអាជ្ញាធរមូលដ្ឋានគឺជាអ្នកបំរើប្រជាពលរដ្ឋ ។ ជាមួយគ្នានេះដែរសូមបងប្អូនប្រជាពលរដ្ឋមិនត្រូវយកសៀវភៅគ្រួសារ និងអត្តសញ្ញាណប័ណ្ណសញ្ជាត់ខ្មែរទៅដាក់បញ្ចាំនោះឡើយ និងកុំជឿតាមការញុះញ៉ុងអូសទាញអោយទៅធ្វើបាតកម្មខុសច្បាប់ ព្រោះសកម្មភាពនេះធ្វើអោយប៉ះពាល់ដល់សន្តិសុខសង្គម និងស្ថេរភាពនយោបាយ ហើយប្រមុខរាជរដ្ឋាភិបាលក៍មិនអនុញ្ញាតិអោយធ្វើដែរ ។
ក្នុងពិធីជួបសំណេះសំណាលនេះដែរប្រជាពលរដ្ឋបានលើកជាសំណូមពរ ស្នើសុំតបណ្តាញទឹកស្អាត់ សុំដោះស្រាយបង្គោលភ្លើង ស្នើសុំធ្វើផ្លូវលំ បញ្ហាបរិស្ថាននៅក្នុងភូមិបង្កឡើងដោយអ្នកចិញ្ចឹមជ្រូក ស្នើសុំធ្វើបង្គន់អនាម័យ និងស្នើសុំជួសជុលផ្ទះ ត្រូវបានលោកប្រធានក្រុមការងារទទួលយកសំណើរហើយសន្យាថា និងធ្វើការដោះស្រាយជូនប្រជា ពលរដ្ឋទៅតាមសំណូមពរ និងជំរុញអោយប្រជាពលរដ្ឋទៅចុះឈ្មោះបោះឆ្នោតអោយបានគ្រប់ៗគ្នា ៕ សណ្តោស
