សារព័ត៌មាន នគរវត្ត តែងតែនាំមុខគេជានិច្ច
លោក Gianni Infantinoប្រធានសហព័ន្ធបាល់ទាត់ពិភពលោក(FIFA)បានស្មើឲ្យមានក្រុមរហូត ដល់ទៅ៤៨ក្រុមប្រកួតWorld Cupក្នុងជុំចុងក្រោយ ដោយចំនួននេះលើសនឹងចំនួនក្រុមដែលគាត់ធ្លាប់ សន្យាមុនពេលបោះឆ្នោតជ្រើសរើសប្រធានFIFAទៅទៀត។
ការសន្យាមួយរបស់លោកGianni Infantinoពេលក្លាយទៅជាប្រធានFIFAគឺគាត់នឹងបង្កើនចំនួន ក្រុមជម្រើសជាតិរហូតដល់ទៅ៤០ប្រទេសដើម្បីចូលរួមប្រកួតWorld Cupខណៈដែលបច្ចុប្បន្នមានតែ ៣២ក្រុមប៉ុណ្ណោះដែលលេងក្នុងវគ្គជម្រុះតាមពូលជុំចុងក្រោយនៃWorld Cup។
ពេលនេះលោកInfantinoដែលមានសញ្ជាតិអ៊ីតាលីបានស្មើឲ្យមានរហូតដល់ទៅ៤៨ប្រទេសមកលេងជុំចុងក្រោយប៉ុន្តែ១៦ប្រទេសត្រូវកាត់ចេញដោយការប្រកួត Play-Off។ នៅសល់៣២ក្រុមត្រូវ លេងក្នុងវគ្គជម្រុះតាមពូលដដែរ ហើយបន្តលេងក្នុងជុំចាញ់ធ្លាក់ទៀត។
ប្រធានFIFAវ័យ៤៦ឆ្នាំ រូបនេះបានថ្លែងថា “ក្រុមប្រឹក្សាសហព័ន្ធបាល់ទាត់ពិភពលោកនឹងសម្រេចចិត្តនៅ ខែមករាខាងមុខ។ យើងក៏នឹងពិក្សាគ្នានៅក្នុងខែនេះហើយនឹងសម្រេចចិត្តនៅមុនឆ្នាំ២០១៧” ៕
