សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ រថយន្ដកាមរីកូរ៉ូឡា បុកម៉ូតូរបួសធ្ងន់ម្នាក់ ស្រាល2នាក់ ។
ហេតុការណ៍គ្រោះថ្នាក់ចរាចរណ៍នេះ កើតឡើងកាលពីនៅវេលាម៉ោង៦ល្ងាច ថ្ងៃទី៣ ខែតុលា ឆ្នាំ២០១៦ លើផ្លូវជាតិលេខ6 ត្រង់ចំណុច ភូមិថ្នល់ ឃុំទ្រៀល ស្រុកបារាយណ៍ ខេត្តកំពង់ធំ ។
តាមប្រភពព័ត៌មានពីសមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បង្កឡើង ដោយថយន្តម៉ាក COROLLA ពណ៌ស ពាក់ស្លាកលេខ ភ្នំពេញ 2AF 3079 បើកបរដោយឈ្មោះមាស ស៊ីវ៉ាន់ ភេទប្រស អាយុ28ឆ្នាំ រស់នៅភូមិចំការឪឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ បានបើកក្នុងទិសដៅ បញ្ច្រាសទិសគ្នា មកដល់ចំណុចកើតហេតុ ក៏បុកម៉ូតូម៉ាក C125 ពណ៌ខ្មៅ គ្មានស្លាកលេខបើកដោយឈ្មោះ លីម ចាន់ម៉ី ភេទស្រី អាយុ16ឆ្នាំ រស់នៅភូមិស្រះសំបួរ ឃុំពង្រ ស្រុកបារាយណ៍ (របួសធ្ងន់) រួមដំណើរ2នាក់ ឈ្មោះ ទិត្យ ស្រីរ័ត្ន ភេទស្រី អាយុ12ឆ្នាំ រស់នៅភូមិដូចគ្នា (របួសស្រាល) ឈ្មោះ ទូច ថៃឡាង ភេទប្រុស អាយុ11ឆ្នាំ រស់នៅភូមិជាមួយគ្នា (របួសស្រាល) ជនរងគ្រោះបញ្ជូនទៅពេទ្យបង្អែកបារាយណ៍ ស្រុកសន្ទុក ។
ករណីគ្រោះថ្នាក់ចរាចរណ៍ខាងលើនេះ រថយន្តបើកបុកម៉ូតូហើយបើករត់គេចខ្លួន ត្រូវបានកម្លាំងស្នាក់សន្តិសុខ 102 ចំនួន២នាក់ រថយន្តមួយគ្រឿង ដឹកនាំដោយលោកប្រធានស្នាក់ការដេញតាមឃាត់រថយន្តបាននៅចំណុចភូមិស្រឡៅតូង ឃុំបល្ល័ង្ក ស្រុកបារាយណ៍ ។ រីឯវត្ថុតាងរថយន្ត និងអ្នកបើកបរប្រគល់ទៅអោយប៉ូលិសចរាចរស្រុកបារាយណ៍ ៕ ប៊ុនរិទ្ធី
