សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សាស័រមួយគ្រឿង បានបើកចេញពីក្រុមហ៊ុន ស៊ី ភិច ហើយពេលធ្វើដំណើរតាមដងផ្លូវក៏បានបែកបូមប្រេង ហូរពេញផ្លូវបណ្ដាល អោយអ្នកធ្វើដំណើរដួលបន្ដបន្ទាប់គ្នា និង បង្កឲ្យមានការកកស្ទះយ៉ាងខ្លាំង ។
ហេតុការណ៍នេះកើតឡើងកាលពីវេលាម៉ោង ២ និង ៣០ នាទីរសៀល ថ្ងៃទី ៦ ខែ តុលា ឆ្នាំ ២០១៦ ស្ថិតនៅតាមបណ្ដោយផ្លូវ ២១៧ ក្នុងភូមិ សំបួរ សង្កាត់ដង្កោ ខណ្ឌដង្កោ ។
តាមប្រភពពត៌មានពីកន្លែងកើតបានអោដឹងថាមុនពេលកើតហេតុគេឃើញមានសាស័រមួយគ្រឿងបើកចេញពីក្រុមហ៊ុន ស៊ីភិច ក្នុងទិសដៅពីត្បូងទៅជើង លុះមកដល់ចំណុចកើតហេតុគេឃើញមានប្រេងហូរពេញផ្លូវដោយចេញពីសាស័រ ខណៈនោះ ក៏បណ្ដាលឲ្យមានអ្នកធ្វើដំណើរមកពីក្រោយបានដួលជាបន្ដបន្ទាប់គ្នា តែសំណាងមិនបង្កឲ្យមានអ្នករងរបួសធ្ងន់ នឹងមានការកកស្ទះចរាចរណ៍យ៉ាងខ្លាំងថែមទៀតផង ។
ក្រោយមកនោះ ក៏មានក្រុមសន្ដិសុខខណ្ឌបានចុះអន្ដរាគមន៍បាននាំគ្នាដឹកខ្សាច់យកមកចាក់ពីលើដើម្បីលាងអោយអស់ជាតិប្រេងនឹងជួយសម្រួលចរាចរណ៍ដើម្បីបញ្ចៀសការកកស្ទះជូនដល់ប្រជាលរដ្ឋផងដែរ ៕ ជីម ភារ៉ា ដង្កោ
