សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជាជនជាតិចិន បានកាន់កាំបិតលួចចូលទៅក្នុងអាគារក្រុមហ៊ុន HOME LIVING មួយកន្លែងរួចភ្ជង់ទៅលើបុរសម្នាក់ទៀតឆក់យកទូរស័ព្ទបានហេីយរត់ឡើងទៅអង្គុយស្រែកលើដំបូលអាគារ បង្កការផ្អើលដល់សមត្ថកិច្ចចុះអន្តរាគមន៍ឃាត់ខ្លួនបានភ្លាមៗ កាលពីវេលាម៉ោង៨:២០នាទីយប់ ថ្ងៃទី២៦ខែធ្នូ ឆ្នាំ២០២៥ចំណុចស្តុបពេទ្យចិន ស្ថិតនៅលើផ្លូវម៉ៅសេទុង ក្នុងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
បេីតាមប្រភពព័ត៌មានពីប្រជាពលរដ្ឋបានឲ្យដឹងថា នៅមុនពេលកើតហេតុខាងលើ គេឃេីញបុរសជនជាតិចិនម្នាក់ខាងលេីបានកាន់កាំបិត លួចចូលតាមរបងខាងក្រោយអាគារក្រុមហ៊ុនមួយកន្លែងយីហោ HOME LIVING ហើយចូលទៅខាងក្នុងអាគារក្រោយមកក៏យកកាំបិតភ្ជង់ទៅលើបុរសម្នាក់ដែលស្នាក់នៅក្នុងបន្ទប់ ក្នុងក្រុមហ៊ុន រួចក៏ឆក់យកទូរសព្ទម៉ាក samsung មួយគ្រឿងបានសម្រេចក៏រត់គេចខ្លួនទៅជាន់ដំបូលខាងលើរួចអង្គុយស្រែកឆោរឡោបម្រុងនិងលោតចុះតែបានបងប្អូនប្រជាពលរដ្ឋរាយការណ៍ទៅសមត្ថកិច្ចមូលដ្ឋានចុះមកធ្វើការអន្តរាគមន៍ភ្លាមៗ។
បន្ទាប់ពីសមត្ថកិច្ចមូលដ្ឋានចុះមកដល់ក៏ធ្វើការហ៊ុមព័ឃាត់និងបានបុរសជនជាតិចិនខាងលើនាំយកទៅប៉ុស្តិ៍នគរបាលសង្កាត់ទំនប់ទឹកដើម្បីសួរនាំបន្ត៕
ដោយ ៖ ភារ៉ា ដង្កោ
