សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ប្រភពព័ត៌មានបានរាយការណ៍ថា ក្មេងស្រីម្នាក់ដែលបាត់ខ្លួន បង្កឲ្យឪពុកម្តាយ ក្រុមគ្រួសារទឹកភ្នែក ទឹកសម្បុរ ភ័យព្រួយ នោះ ត្រូវបានគេរកឃើញហើយ នៅថ្ងៃទី១៣ ខែតុលា ឆ្នាំ២០១៦ ខណៈដែលនាងទៅសម្ងំនៅផ្ទះសង្សាររបស់នាង ។
សេចក្តីរាយការណ៍បានបញ្ជាក់ថា គេបានរកឃើញ នាង ហ៊ឹម ចាន់ណា កើតនៅថ្ងៃទី៥ ខែកញ្ញា ឆ្នាំ១៩៩៩ ជាសិស្សរៀននៅវិទ្យាល័យ ហ៊ុន សែន ភ្នំស្រួច មានទីលំនៅភូមិក្រាំងខ្ជាយ ឃុំតាំងខ្យា ស្រុកភ្នំស្រួច ខេត្តកំពង់ស្ពឺ នោះហើយ គឺនាងបានទៅសម្ងំនៅផ្ទះសង្សាររបស់នាង ស្ថិតនៅ ភូមិឈូកសរ ឃុំព្រះស្រែ ស្រុកឧដុង្គ ខេត្តកំពង់ស្ពឺ ។
ព័ត៌មានចុងក្រោយអះអាងថា ឪពុកម្ដាយ ខាងប្រុស(សង្សារ)សន្យាចូលស្ដីដណ្ដឹងរៀបការតាមប្រពៃណី ៕ សេនាស័ក្តិ
