សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ និងម៉ូតូមួយគ្រឿង ត្រូវបានសមត្ថកិច្ចខណ្ឌពោធិសែនជ័យឃាត់ខ្លនកាលវេលាម៉ោង១និង៥០នាទីរំលងអធ្រាត្រ ឈានចូលថ្ងៃទី១៤ ខែតុលា ឆ្នាំ២០១៦ នៅតាមផ្លូវសហព័ន្ធរុស្ស៊ី ក្នុងបុរីញ្ញូថោន ភូមិព្រៃទាសង្កាត់ចោមចៅ ខណ្ឌពោធិ៍សេនជ័យ រាជធានីភ្នំពេញ ។
ជនសង្ស័យខាងលើ មានឈ្មោះ ជីន រស្មី ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សេនជ័យ មានស្រុកកំណើតនៅទីរួមខេត្តតាកែវ ។
បើតាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ សមត្ថកិច្ចអន្តរាគមន៍ខណ្ឌពោធិសែនជ័យ បានចេញល្បាតក្នុងគោលដៅភូមិកើតហេតុ បានប្រទះឃើញជនសង្ស័យខាងលើ មានគ្នា២នាក់ ជិះម៉ូតូមួយគ្រឿងម៉ាក់ ឌ្រីមសង់ស៊េរី ២០១៦ ពណ៌ខ្មៅ ពាក់ស្លាកលេខ ត្បូងឃ្មំ ១C.៥០១២ និងប្រដាប់កាច់រួមមានដែក កាច់កម៉ូតូចំនួន២ដើម ដែកឆ្កឹះសោ ចំនួន២ដើម និងកូនសោខ្សឿចំនួនមួយ ។
ប្រភពព័ត៌មានបានបន្តទៀតថា ពេលដែលសមត្ថកិច្ចឃើញជនសង្ស័យខាងលើដែលកំពុងឈរពិភាក្សាគ្នាហើយបម្រុងធ្វើសកម្មភាពពេលនោះ បានឃើញ សមត្ថកិច្ចជនសង្ស័យម្នាក់បានបោះចោលប្រដាប់កាច់កុងហើយរត់គេចខ្លួនម្នាក់ទៀត សមត្ថកិច្ចឃាត់បានភ្លាម ។
ក្រោយពេលកើតហេតុ សមត្ថកិច្ចអន្តរាគមន៍ខណ្ឌពោធិសែនជ័យបាននាំជនសង្ស័យខាងលើយកទៅផ្នែកព្រហ្មទណ្ឌខណ្ឌពោធិសែនជ័យដើម្បីសាកសួរបន្ត ៕ សុខាសែនជ័យ
