ស្ត្រី២រូបទៀតចេញមុខប្តឹងលោក ត្រាំ ពីបទរំលោភបំពានផ្លូវភេទ

ស្ត្រី២នាក់ទៀត ក្នុងនោះមានបេក្ខនារីប្រកួតប្រជែង ពានរង្វាន់កម្មវិធីទូរទស្សន៍ “The Apprentice” របស់លោកត្រាំ ផងដែរ បានចេញមុខកាលពីថ្ងៃទី១៤ ខែតុលា ឆ្នាំ២០១៦ ប្តឹងចោទប្រកាន់ បេក្ខភាពប្រធានាធិបតីអាមេរិក ដូណាល់ ត្រាំ ថាបានរំលោភបំពាន ផ្លូវភេទរបស់ពួកគាត់ ។

នេះជាករណីថ្មីបំផុតពាក់ព័ន្ធបណ្តឹងចោទប្រកាន់ស្តីពីការបំពានផ្លូវភេទរបស់លោក ត្រាំ ហើយជាការបន្ថែម ទម្ងន់ទៀតទៅលើសំឡេងគាំទ្របេក្ខភាពប្រធានាធិបតីរបស់លោកដែលកំពុងដាំក្បាលចុះស្រាប់ផងនោះ ។

នាង Summer Zervos បេក្ខនារី ប្រកួតប្រជែងមួយរូបនៅរដូវកាលទី៥ នៃពានរង្វាន់កម្មវិធីទូរទស្សន៍ reality TV show របស់លោកត្រាំ បានថ្លែងថា បន្ទាប់ពីគាត់រំលោភ នាង, នាងនៅតែមានទំនាក់ទំនងជា មួយគាត់ ដោយចាត់ទុកជា មគ្គុទេសក៍មួយរូប ។ ជ័យលាភីគ្រប់ រដូវកាលក្នុងកម្មវិធីដែលលែងមាន នាពេលបច្ចុប្បន្ននេះ សុទ្ធតែទទួលបាន ការងារនៅក្នុងក្រុមហ៊ុនរបស់លោកត្រាំទាំងអស់ ។

នៅក្នុងឆ្នាំ២០០៧ លោកត្រាំ បានរៀបចំឲ្យមានការជួបជុំនាង Zervos នៅសណ្ឋាគារ Beverly Hills ញាំអាហារពេលល្ងាច ដើម្បីពិភាក្សាគ្នាអំពីកិច្ចការបម្រើ ការងារ ។ នាងនិយាយថា ផ្ទុយទៅ វិញ ពេលនាងទៅដល់ គេបែរជានាំ នាងទៅកាន់ផ្ទះសំណាក់មួយកន្លែង ហើយលោក ត្រាំ ចាប់ផ្តើមថើប និង ប៉ះពាល់រូបនាង ។

ក្នុងសន្និសីទកាសែតមួយនៅទីក្រុង Los Angeles នាង Zervos បានបង្ហើបថា ” គាត់ចាប់ផ្តើមថើប ខ្ញុំយ៉ាងវក់វី និងយក់ដៃច្របាច់ដោះ របស់ខ្ញុំ” ។

នាង Zervos បន្តថា គាត់ឱបខ្ញុំ ជាប់ ហើយខ្ញុំខំព្យាយាមច្រានទ្រូង គាត់ចេញដើម្បីមានគម្លាត ហើយខ្ញុំ និយាយថា នែលោក ធើមែនទែនឬ ពេលនោះ គាត់ឆ្លើយតបសម្តីខ្ញុំថា ធើមែនទែន រួចក៏ចាប់រំលោភតែម្តង ។

នាង Zervos អះអាងថា នាង សម្រេចចិត្តទម្លាយអាថ៌កំបាំងមួយ នេះចេញមកក្រៅ ក៏ព្រោះតែបានឮសូរការបកស្រាយបដិសេធន៍របស់ លោក ត្រាំ អំឡុងកិច្ចសន្ទនាចុង ក្រោយកាលពីថ្ងៃអាទិត្យថា លោកនេះឬ ធ្លាប់មានអាកប្បកិរិយាជាអ្នក រំលោភបំពានផ្លូវភេទស្ត្រី ។

ខ្សែអាត់វីដេអូមួយចេញផ្សាយដោយបណ្តាញព័ត៌មាន Washington Post បានបញ្ជាក់ថា លោកត្រាំ មានការរំលោភបំពានរាងកាយទៅលើនារីភេទ ដោយសារតែគាត់ជាមនុស្សល្បីឈ្មោះ ។

កាលពីថ្ងៃសុក្រ ផងដែរ អតីតតារាបង្ហាញម៉ូដថ្នាំ អាស្ពីរីន អ្នកនាង Kristin Anderson បានប្រាប់បណ្តាញព័ត៌មាន the Post ថា លោក ត្រាំ បានសសៀរទៅរកនាងក្នុងក្លិបរាត្រីមួយនៅដើមទសវត្សរ៍ទី១៩៩០ ធ្វើសកម្មភាពចាប់រំលោភទាំងខោលីអូ ។

លោក ត្រាំ បានបដិសេធការចោទប្រកាន់ទាំងនេះ ដោយបញ្ជាក់ថា ទាំងនោះសុទ្ធតែជាពាក្យសម្តីភូតកុហក់ ៕ ថាច់ យ៉ាត