សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖បុរសម្នាក់ស្លាប់ភ្លាមៗដោយសារជិះម៉ូតូបុករថយន្តចតស្ងៀម ដែលករណីនេះបានកើតឡើងកាលពី វេលាម៉ោង៥ និង១៥នាទីទៀបភ្លឺនៅលើផ្លូវជាតិលេខ១ស្ថិតក្នុងភូមិស្វាត សង្កាត់ចេក ក្រុងស្វាយរៀង ខេត្តស្វាយរៀង។
បើតាមសមត្ថកិច្ចបានឲ្យដឹងថា រថយន្តដែលម្ចាស់ទុកក្បែរចិញ្ចើមថ្នល់នេះប្រភេទយីឌុបពាក់ស្លាកលេខ ស្វាយរៀង 3A-0718 ដែលមុនពេលខូចគឺបានធ្វើដំណើរ មកពីក្រុងបាវិតទៅភ្នំពេញហើយខូចកាឡេឈប់អែបស្តាំត្រូវជនរងគ្រោះជិះម៉ូតូ ម៉ាក ស្មាស់វី ពណ៌ខ្មៅ ពាក់ស្លាកលេខ ស្វាយរៀង 1CM-9086 ពីទិសខាងកើត ទៅលិចដល់ចំណុចកើតហេតុខាងលើក៍បុកពីក្រោយ រថយន្តស្លាប់ភ្លាមៗនៅនឹងកន្លែងកើតហេតុតែម្តង។
ប្រភពខាងលើបានបន្តទៀតថាម្ចាស់ រថយន្តមានឈ្មោះ វ៉ាន់ សុភី ភេទ ប្រុស អាយុ៥៦ឆ្នាំមានទីលំនៅភូមិ កណ្តៀង រាយ ឃុំកណ្តៀងរាយ ស្រុកស្វាយទាប ខេត្តស្វាយរៀង។ ចំណែកជន រងគ្រោះ ឈ្មោះ នាង ឡាវី ភេទប្រុស អាយុ ២៣ឆ្នាំ មានទីលំនៅភូមិទន្លៀង ឃុំរមាំងថ្គោល ស្រុកស្វាយទាប ខេត្តស្វាយរៀង។
រួចក្រោយពីកើតហេតុសមត្ថកិច្ចបានចុះមកវាស់់វែងយករថយន្ត និងម៉ូតូទៅ រក្សា ទុកនៅការិយាល័យនគរបាលចរាចរណ៍ នៃស្នងការរដ្ឋាននគរបាលខេត្តស្វាយរៀង ដើម្បីដោះស្រាយតាមផ្លូវច្បាប់។ ចំណែកឯសាកសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ យឹម សុថាន
