សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ ម៉ូតូ២គ្រឿងបានបើកបុកគ្នា បណ្តាលឲ្យមនុស្សយ៉ាងតិច២នាក់រងរបួសធ្ងន់ ស្រាល ។
ហេតុការណ៍នេះបានកើតឡើងកាលពីវេលាម៉ោង១២និង៤០នាទី ថ្ងៃទី១១ ខែវិច្ឆិកា ឆ្នាំ២០១៦ ស្ថិតនៅភូមិថ្នល់កែង ឃំុអូរអណ្ដូង ស្រុកសាលាក្រៅ
ខេត្តប៉ៃលិន។
សមត្ថកិច្ចបានឲ្យដឹងថា ម៉ូតូបង្កបើកបរដោយឈ្មោះឆេីត ខ្លី ភេទប្រុស អាយុ៣៦ឆ្នាំ មុខរបរកសិករ(របួសធ្ងន់) រស់នៅភូមិអូរអណ្ដូង ឃុំអូរអណ្ដូង ស្រុកសាលាក្រៅ ជិះម៉ូតូម៉ាកវ៉េវ ពណ៌ក្រហម ពាក់ស្លាកលេខ បាត់ដំបង ១C ៦៧៦៦ ជិះម៉ូតូក្នុងទិសដៅពីត្បូងទៅជើង ក៏ទៅបុកជាមួយម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ ១G ០១៦២ ចំពីក្រោយបណ្ដាលឲ្យឈ្មោះ សួស ណារ៉ាន់ ភេទស្រី អាយុ២៧ឆ្នាំ មុខរបរគ្រូបង្រៀន នៅភូមិថ្នល់បត់ ស្ទឹងត្រង់សាលាក្រៅ រងរបួសស្រាល ។
បច្ចុប្បន្ន ម៉ូតូទាំងពីរគ្រឿងត្រូវសមត្ថកិច្ចយកមករក្សាទុកនៅនគរបាលចរាចរណ៍ចាត់ការតាមនីតិវិធី ៕ ស សារ៉េត
