សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មំុៈ ជនសង្ស័យម្នាក់ត្រូវបានចាប់ឃាត់ខ្លួន ដោយនគរបាលស្រុកមេមត់ ព្រោះជាប់ពាក់ពន្ធ័នឹងសារធាតុញៀន ។
ករណីនេះធ្វើឡើងនៅវេលាម៉ោង ១១:០០នាទី ថ្ងៃទី១១ ខែវិច្ឆកា ឆ្នាំ២០១៦ នៅចំណុចវាលស្រែ ស្ថិតក្នុងភូមិត្រពាំងរាំង ឃំុ_ស្រុកមេមត់ ខេត្តត្បូងឃ្មំុ។
លោកអធិការស្រុកមេមត់ ហុង គឹមហឿន បានឲ្យដឹងថា ជនសង្ស័យខាងលើ ឈ្មោះ វ៉ាន សុផាត ភេទប្រុស អាយុ២៣ឆ្នាំ រស់នៅភូមិមេមត់ផ្សារ ឃំុមេមត់ ស្រុកមេមត់ ។
លោកអធិការបន្ត ក្នុងនោះកម្លាំងជំនាញបានដកហូតវត្ថុតាងម្សៅក្រាមពណ៌សថ្លា សង្ស័យជាថ្នាំញៀនចំនួន ០២កញ្ចប់ និងម៉ូតូ០១គ្រឿង។
បច្ចុប្បន្ន ជនសង្ស័យនិងវត្ថុតាងសមត្ថកិច្ចនគរបាលជំនាញស្រុកកំពុងកសាងសំណុំរឿងបញ្ជូនទៅ សាលាដំបូងខេត្ត ដើម្បីចាត់ការតាមនិតិវិធី ៕ វណ្ណះ
