សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានកម្លាំងអាវុធហត្ថឃាត់ខ្លួនជាប់ពាក់ព័ន្ធពីបទជូញដូគ្រឿងញៀន និងទទួលផលចោរកម្មដកហូតថ្នាំញៀន និងសម្ភារមួយចំនួន ។
ហេតុការណ៍នេះ បានកើតឡើងកាលពីវេលាម៉ោង១១ព្រឹក ថ្ងៃទី១៦ ខែវិច្ឆិកា ឆ្នាំ២០១៦ នៅភូមិទ្រា សង្កាត់ចោមចៅ ខណ្ឌពោធិសែនជ័យ ។
ដោយមានការរាយការណ៍សម្ងាត់ពីបងប្អូនប្រជាពលរដ្ឋ ដែលនៅក្បែរថា មានជនសង្ស័យជូញដូគ្រឿងញៀន និងទទួលផលចោរកម្ម ទើបកម្លាំងស្រាវជ្រាវរហូតឈានដល់ការចុះឆែកឆេរ និងឃាត់ខ្លួនតែម្តង ។
សមត្ថកិច្ចបញ្ជាក់ថា ជនសង្ស័យឈ្មោះ ហេង តាំងឡេង ភេទប្រុស អាយុជាង៣០ឆ្នាំ មុខរបរ រងការិយាល័យទទួលបន្ទុកសន្តិភាពរួម នៃសមាគមរួមគ្នាដើម្បីអភិវឌ្ឍន៍កម្ពុជា ស្នាក់នៅកន្លែងកើតហេតុ ។
សម្ភារៈដែលសមត្ថកិច្ចដកហូតមាន ម៉ូតូចំនួនពីរគឿង ដោយមួយគ្រោះម៉ាក MSX ពាណ៍ ក្រហម ពាក់ស្លាកលេខ ភ្នំពេញ ១FW ២៩៥៨ មួយគ្រឿងទៀត ម៉ាកឌ្រឹមសង់ ពណ៌ខ្មៅ, ម្សៅក្រាមសថ្លា និងសម្ភារៈប្រើប្រាស់គ្រឿងញៀនមួយចំនួន, ប្រដាប់កិបស្លាកលេខម៉ូតូ១, ស្លាកលេខម៉ូតូ៣,កាងម៉ូតូ១
ក្រោពីការឃាត់ខ្លួនជនសង្ស័យត្រូវបានកម្លាំងអាវុធហត្ថកសាងសំណុំរឿងបញ្ជូនទៅអាវុធហត្ថរាជធានីចាត់ការបន្ត ៕ សុខាសែនជ័យ
