សារព័ត៌មាន នគរវត្ត តែងតែនាំមុខគេជានិច្ច
ភ្នំពញ៖ បង្គោលភ្លើងមួយដើម បានបាក់រៀបស្មើដល់ដី ដោយសារតែរថយន្តម៉ាកធុនត្រាមួយគ្រឿងបើកក្នុងល្បឿនលឿន ហើយរេចង្កូតឡើងឃឿនសួនច្បារជ្រុលបុកបង្គោលភ្លើងកាលពីវេលាម៉ោង៣ទៀបភ្លឺ ថ្ងៃទី១២ ខែធ្នូ ឆ្នាំ២០១៦ នៅចំណុចមុខផ្សារស្ទឹងមានជ័យថ្មី ផ្លូវមុន្នីរ៉េត ស្ថិតក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
សាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញរថយន្តម៉ាកធុនត្រាមួយគ្រឿង ពណ៍ស ពាក់ស្លាកលេខ ភ្នំពេញ 2AL 1754 បើកបរដោយបុរសម្នាក់ធ្វើដំណើរតាមបណ្តោយផ្លូវមុន្នីរ៉េត ក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុស្រាប់តែរេចង្កូតឡើងឃឿនសួនច្បារហើយបានបន្តទៅបុកនីងបង្គោលភ្លើងបណ្តាលឲ្យបាក់រាបស្មើដល់ដី តែសំណាងល្អមិនមានអ្នករងរបួស។
ក្រោយពេលកើតហេតុម្ចាស់រថយន្តបង្កបានចុះពីលើរថយន្តហើយគេចខ្លួនបាត់ដោយបន្សល់ទុករថយន្តនៅកន្លែងកើតហេតុ ។
ដោយឡែករថយន្តបង្កត្រូវបានសមត្ថកិច្ចមូលដ្ឋានទំនាក់ទំនងហៅនគរបាលចរាចរណ៍ជើងគោករាជធានីមកស្ទូចយកទៅរក្សាទុករង់ចាំម្ចាស់ចូលខ្លួនមកដោះស្រាយ៕ ជីម ភារ៉ា ដង្កោ
