សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សមត្ថកិច្ចនគរបាលស្រុកបានឃាត់ខ្លួនជនសង្ស័យម្នាក់ ខណៈដែលយកកាំភ្លើងឆ្នៃបាញ់ទៅលើអ្នកដទៃឲ្យរងរបួសចំក្រោមក្លៀក ខាងស្ដាំ កាលពីវេលាម៉ោង២១និង៣០នាទី ថ្ងៃទី២២ ខែធ្នូ ឆ្នាំ២០១៦ ក្នុងភូមិត្រោក ឃុំព្រះពន្លា ស្រុកកំពង់រោទ៍ ។
សមត្ថកិច្ចនគរបាលបានឲ្យដឹងថា ជនសង្ស័យដែលឃាត់ខ្លួនមាន ឈ្មោះរស់ សានីបុត្រា ភេទប្រុស រស់នៅភូមិត្រោកឃុំព្រះពន្លាស្រុកកំពុងរោទ៍។ រីឯបុរសរងគ្រោះមានឈ្មោះទូច ប៊ុនធឿន អាយុ៣៧ឆ្នាំ រស់នៅភូមិ ទូលអង្គុប ឃុំ សំបួរ ស្រុកស្វាយទាប ខេត្តស្វាយរៀងដោយរងរបួសត្រង់ក្រោមឃ្លៀកខាងស្ដាំ ។
តាមជនរងគ្រោះបានឲ្យដឹងថា មុនកើតហេតុ គាត់កំពុងបើកម៉ូតូដឹកឥវ៉ាន់ចាប់ហួយ មកពីទិសត្បូង ប្រទេសវៀតណាមមកផ្ទះវិញ ខណៈមកដល់ពាក់កណ្ដាលផ្លូវ ស្រាប់តែមានជនសង្ស័យឈ្មោះ រស់ សានីបុត្រា បានយកកាំភ្លើងច្នៃបាញ់សត្វ ក៏ត្រូវ ឈ្មោះទួច ប៊ុនធឿន ចំខាងក្រោមក្លៀកខាងស្តាំបណ្តាលអោយគាត់មានស្នាមរបួស ជាំក្រហម និងស្រែកឲ្យអ្នកភូមិជួយ និងរាយការណ៍មកសមត្ថកិច្ចអន្តរាគមន៍ និងស្រាវជ្រាវរហូតឃាត់ខ្លួនជនសង្ស័យតែម្ដង ។
បច្ចុប្បន្នជនសង្ស័យ ត្រូវបានសមត្ថកិច្ចនគរបាលឃាត់ខ្លួន យកមកប៉ុស្តិ៍រដ្ឋបាល នឹងដកហូតបានវត្ថុតាងអាវុធច្នៃ១ដើម យកមករក្សាទុកនៅប៉ុស្តិ៍រដ្ឋបាលឃុំព្រះពន្លារ ដើម្បីអនុវត្តន៍តាមនិតិវិធី ៕ យឹម សុថាន
