ប្រទះឃើញបុរសម្នាក់ដេកស្លាប់ក្នុងកាប៊ិនរថយន្តកុងទ័នឺររបស់ក្រុមហ៊ុនស្មាតសង្ស័យខ្យល់គរ

ភ្នំពេញ៖ បុរសម្នាក់ត្រូវបានគេប្រទះឃើញដេកស្លាប់ក្នុងកាប៊ីនរថយន្តកុងតឺន័រ ដោយសង្ស័យខ្យក់គរ បង្កការភ្ញាក់ផ្អើលកាលពីវេលាម៉ោង៩ព្រឹកថ្ងៃទី២៣ខែធ្នូឆ្នាំ២០១៦នៅចំណុចមុខឃ្លាំងស្តុកអីវ៉ាន់ក្រុមស្មាត ភូមិព្រៃសិលា សង្កាត់កាកាប ខណ្ឌពោធិ៍សែនជ័យ។

សពជនរងគ្រោះត្រូវបានគេស្គាល់ឈ្មោះ ជួន សីហា ភេទប្រុស អាយុ២០ឆ្នាំ មុខរបរ បើកបររថយន្តកុងតឺន័រ មានស្រុកកំណើតភូមិស្រែសៀម ឃុំជីរោទ៍២ ស្រុកត្បូងឃ្មុំ ខេត្តត្បូងឃ្មុំ ហើយត្រូវបានគេប្រទះឃើញដេកស្លាប់នៅក្នុងកាប៊ីរថយន្តកុងតឺន័រម៉ាកហុីណូក្បាលពណ៌លឿងស្លាកលេខភ្នំពេញ3A-9540និងលេខសំគាល់B27។

តាមសាក្សីដែលជាអ្នកបើករថយន្តដូចគ្នាបានអោយដឹងថា នៅមុនពេលកើតហេតុដោយសារតែឆ្ងល់ជនរងគ្រោះដេកមិនឃើញក្រោកទើបបានទៅមើលក្នុងរថយន្តខណះអង្រួនដាស់អោយក្រោកទើបដឹងថាជនរងគ្រោះបានស្លាប់បាត់អោយហើយ បង្កការភ្ញាក់ផ្អើលនិងរាយការណ៍ទៅសមត្ថកិច្ចដើម្បីចុះមកពិត្យជាក់ស្តែង។

ក្រោយពេលកើតហេតុសមត្ថកិច្ចជំនាញបានមកពិនិត្យ និងធ្វើកោសល្យវិច័យថា សពពិតជាស្លាប់ដោយសារខ្យល់គរមែនទើបប្រគល់ទៅអោយក្រុមគ្រួសារសពធ្វើបុណ្យតាមប្រពៃណី៕ សុខាសែនជ័យ