សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ បុរស៣នាក់ រងរបួសធ្ងន់ ដោយសារករណីគ្រោះថ្នាក់ចរាចរណ៍រវាងម៉ូតូហុងដាសេ១០០ បុកជាមួយហុងដាវ៉េវបញ្ច្រាសគ្នាពេញទំហឹង កាលពីវេលាម៉ោង៨និង៤០នាទីយប់ ថ្ងៃទី២៥ ខែធ្នូ ឆ្នាំ២០១៦ នៅលើផ្លូវជាតិលេខ១ ស្ថិតនៅក្នុងភូមិបាវិតកណ្ដាល សង្កាត់បាវិត ក្រុងបាវិត។
តាមនគរបាលក្រុងបាវិតបានឲ្យដឹងថា មុនកើតហេតុ មានម៉ូតូមួយគ្រឿង ម៉ាក ហុងដា សេ100 ពណ៌ ព្រីងទុំ គ្មានស្លាកលេខ អ្នកបើកបរដោយបុរសម្នាក់មិនស្គាល់អត្តសញ្ញាណ ធ្វើដំណើរពីលិចទៅកើត ក្នុងល្បឿនលឿនលើកំណាត់ផ្លូវជាតិលេខ១ស្របពេលនោះស្រាប់តែមានម៉ូតូម៉ាកវេវ ពណ៌ខៀវ គា្មនស្លាកលេខ បើកបរដោយឈ្មោះ ស្រូយ រី អាយុ39ឆ្នាំ មុខរបរកម្មករសំណង់ និងអ្នករួមដំណើឈ្មោះប៉ាន ពល ភេទប្រុស អាយុ49ឆ្នាំ មុខរបរកម្មករសំណង់ ដោយអ្នកទាំង២មានទីលំនៅភូមិចេក សង្កាត់ចេក ក្រុងស្វាយរៀង ធ្វើដំណើរពីកើតមកលិចបញ្រាស់គ្នាបុកគ្នាលាន់សូដូចរន្ទះបណ្ដាលឲ្យដួលរណូករណែលពេញផ្លូវ សន្លប់ស្ដូកស្ដឹងនឹងកន្លែង ត្រូវបានប្រជាពលរដ្ឋរាយការណ៍មកសមត្ថកិច្ចមូលដ្ឋានមកអន្តារាគមន៍ដឹកមកកាន់មន្ទីរពេទ្យខេត្តដើម្បីសងគ្រោះជីវិត ។
ក្រោយមកសមត្ថកិច្ចនគរបាលវាស់វែង និងអូសមធ្យោបាយទាំង២គ្រឿងយកមករក្សាទុកនៅប៉ុស្តិ៍នគរបាលរដ្ឋបាលបាវិតដើម្បីបំពេញសុំណុំរឿងចាត់កាតាមនិតិវិធី។
សមត្ថកិច្ចបញ្ជាក់ថា មូលហេតុ ដោយសារតែម៉ូតូម៉ាកហុងដា សេ100 បើកបរក្នុង ល្បឿនលឿនជែងក្នុងស្ថានភាពគ្រោះថ្នាក់ ៕ យឹម សុថាន
