សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី០៦ ខែមករា ឆ្នាំ ២០១៧វេលាម៉ោងប្រហែល ០១និង ៣០នាទីរំលងអធ្រាត្រ កំលាំងនគរបាលផ្នែកព្រហ្មទណ្ឌ និងកំលាំងសហប៉ុស្តិ៍រដ្ឋបាល ខណ្ឌទួលគោក រាជធានីភ្នំពេញ បានធ្វើការឃាត់ខ្លួនជនសង្ស័យចំនួន០២នាក់ជាក់ស្ដែងពីបទជួញដូរដោយខុសច្បាប់នូវសារធាតុញៀន និងចាប់យកក្រាមពណ៌សថ្លាចំនួន០៣កញ្ចប់តូច នៅចំណុចផ្លូវរថភ្លើង ក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
ជនសង្ស័យ ១-ឈ្មោះ ចុង ប៊ុនតុង ហៅ រាជ ភេទប្រុស អាយុ ១២ឆ្នាំ ជនជាតិខ្មែរ ( ជាអនីតិជន ) ស្នាក់នៅផ្ទះជួល ផ្លូវរថភ្លើង ក្រុម ទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ មានទីកន្លែងកំណើត សង្កាតស្រះចក ខណ្ឌដូនពេញ រាជធានីភ្នំពេញ ។ ២-ឈ្មោះ ថា វណ្ណះ ហៅ កាក់ ភេទប្រុស អាយុ១៤ ឆ្នាំ ជនជាតិខ្មែរ (ជាអនីតិជន) មុខរបរ ពុំពិតប្រាកដ ស្នាក់នៅផ្ទះជួល ផ្លូវ រថភ្លើង ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ មានទីកន្លែងកំណើត សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
វត្ថុតាងចាប់យកមាន: -ក្រាមពណ៌សថ្លាចំនួន០៣កញ្ចប់តូច ( សង្ស័យជាគ្រឿងញៀន ) លាក់នៅក្នុងកញ្ចប់បារីម៉ាក Mevius បច្ចុប្បន្នជនសង្ស័យឈ្មោះ ចុង ប៊ុនតុង ហៅរាជ ភេទប្រុសអាយុ១២ឆ្នាំ ( ជាអនីតិជន ) ដោយមានការសម្របសម្រួលពីលោក ស្រី ម៉ាកនី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបញ្ជូនទៅមន្ទីរសង្គមកិច្ច រាជធានីភ្នំពេញ ដើម្បីគ្រប់គ្រងបន្ត ចំណែកជនសង្ស័យឈ្មោះ ថា វណ្ណះ ហៅកាក់ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូរាជធានីភ្នំពេញ ចាត់ការតាមផ្លូវច្បាប់ ៕ តារា
