សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: រថយន្តមិនស្គាល់ម៉ាកមួយគ្រឿង បុកយុវជនម្នាក់ ដែលគេដឹងថាបែកថ្នាំដើរពេញផ្លូវ បណ្តាលឲ្យស្លាប់បាត់បង់ជីវិតកាលពីវេលាម៉ោង ១១យប់ ថ្ងៃទី៦ ខែមករា ឆ្នាំ២០១៧ ស្ថិតផ្លូវ៦០ម៉ែត្រ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ រួចរថយន្តបង្ក បានបើកគេចបាត់ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់នេះដែលជាអ្នកប្រើប្រាស់គ្រឿងញៀន ហើយឧស្សាហ៍បែកថ្នាំមិនស្គាលឈ្មោះនិងអាសយដ្ឋានមានអាយុជាង២០ឆ្នាំបានដើររាំពេញផ្លូវ នៅម្តុំផ្លូវលេខ៦០ម៉ែត្រ។ លុះនៅថ្ងៃកើតហេតុ ដោយសារផ្លូវមានសភាពងងឹតផង ក៏ត្រូវរថយន្តមិនស្គាល់ម៉ាកមួយគ្រឿង បើកបុកពេញទំហឹង បណ្តាលឲ្យបោកក្បាលទៅនឹងថ្នល់ ស្លាប់បាត់បង់ជីវិតនៅនឹងកន្លែងកើតហេតុ ហើយរថយន្តបង្កហេតុ បានបើករត់គេចបាត់ស្រមោលតែម្តង ។
សពជនរងគ្រោះខាងលើ ត្រូវបានសមត្ថកិច្ចដឹកតាមរថយន្តសាមុយ យកទៅតម្កល់ទុកនៅវត្ត ដើម្បីរង់ចាំការក្រុមគ្រួសារសពមកទទួលយកទៅធ្វើបុណ្យ តែបើមិនមានគ្រួសារមកទេ ខាងវត្តគេនឹងរៀបចំធ្វើបូជាទុកឆ្អឹងឲ្យក្រុមគ្រួសា ៕ ប្រាថ្នា
