សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្ស៤នាក់ រួមនឹងថ្នាំញៀនចំនួន២កញ្ចប់ ត្រូវសមត្ថកិច្ចឃាត់ខ្លួនជាបន្តបន្ទាប់ ក្នុងពេលតែមួយ ខណៈកម្លាំងសមត្ថកិច្ចល្បាតតាមផ្លូវហើយមានការសង្ស័យក៏ឃាត់ហៅឆែកឆេរ ។
ការឃាត់ខ្លួនពួកគេទាំង៤នាក់ខាងលើនេះ ធ្វើឡើងកាលពីវេលាម៉ោង ១និង៣០នាទីរំលងអធ្រាត្រ ឈានចូលថ្ងៃទី ១០ ខែ មករា ឆ្នាំ ២០១៧ នៅចំណុចស្តុបណូគាអូបែកក្អម ផ្លូ២៧១ សង្កាត់ទឹកថ្លា ខណ្ឌសែនសុខ និងចំណុចមួយទៀតមុខហាងខារ៉ាអូខេ ញូស្តា ផ្លូវ២៧១ សង្កាត់ទឹកថ្លា ខណ្ឌសែនសុខ ។
តាមប្រភពពីកម្លាំងបានឲ្យដឹងថា មុនពេលកើតហេតុកម្លាំងខាងលើបានធ្វើការល្បាតក្នុងមូលដ្ឋាន ដើម្បីទបស្កាត់បទល្មើសដែលកើតឡើងដោយប្រការណាមួយ ដើម្បីធានាសន្តិសុខជូនដល់ប្រជាពលរដ្ឋដែលរស់នៅក្នុងមូលដ្ឋាន ហើយខណះកម្លាំងខាងលើបានធ្វើការល្បាតដល់ចំណុចទីមួយស្រាប់តែឃើញបុេសពីរនាក់ជិះម៉ូតូមួគ្រឿងម៉ាកស្តែពពណ័ខ្មៅគ្មានស្លាកលេខបើកបរតាមផ្លូវខាងលើហើយដោយសមត្ថកិច្ចមានការសង្ស័យ ក៏បានជិះម៉ូតូប្រដេញពីក្រោយហើយ ក៏ឃាត់ឆែកឆេរនៅ លើខ្លួនពួកគេ ក៏បានរកឃើញថ្នាំញៀនមួយកញ្ចប់តូចនៅ ចំនែកឯពីរនាក់ផ្សេងទៀត ក៍ត្រូវសមត្ថកិច្ចឃាត់ឆែកឆេររកឃើញថ្នាំញៀនមួយកញ្ចប់តូចនៅលើខ្លួនអ្នកពួកគេផងដែរ ។
សមត្ថកិច្ចឲ្យដឹងថា ជនសង្ស័យទាំងបួននាក់មានឈ្មោះ រិ ម៉េត អាយុ១៧ មុខរបរ នៅផ្ទះ ស្នាក់នៅភូមិស្វាយចេក សង្កាត់គោករកា ខណ្ឌព្រែកព្នៅ ឌឺន ដេត អាយុ២០ សំណង់ ស្នាក់នៅភូមិស្វាយចេក សង្កាត់គោរកា ខណ្ឌព្រែកព្នៅ ឆេង ហេង ភេទប្រុស អាយុ ៣២ឆ្នាំ មុខរបបុគ្គលិក ខារ៉ាអូខេ ញ៉ូស្តា ផ្ទះជួល ម្ដុំភូមិត្រពាំងឈូក សង្កាត់ទឹកថ្លា ខណ្ឌសែនសុខ ក្រោយហាងខារ៉ាអូខេញ៉ូស្តា សួង ផាកាសុីល ភេទប្រុស អាយុ២៦ឆ្នាំ មុខរបរនៅផ្ទះ ស្នាក់ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
បច្ចុប្បន្នអ្នកទាំងបួន និងវត្ថុតាងត្រូវបានបញ្ជូនយកទៅអធិការដ្ឋានខណ្ឌសែនសុខរង់ចាំការចាត់ការទៅតាមនីតិវិធី ៕ តុង សីហា
