រថយន្តមិនស្គាល់ម៉ាកបើកបុកម៉ូតូបណ្តាលឲ្យបុរសម្នាក់ស្លាប់ និងម្នាក់ទៀតរងរបួសស្រាល

ភ្នំពេញ៖ បុរសម្នាក់បានបោកក្បាលស្លាប់ភ្លាមៗនៅកន្លែងកើតហេតុ និងម្នាក់ទៀតរងរបួសស្រាលបន្ទាប់ពីជិះម៉ូតូឌុបគ្នាមកពីហូបការមិត្តភក្តិ ហើយត្រូវរថយន្តបើកបុកពេញទំហឹងខ្ទាតម៉ូតូចូលទឹកប្រឡាយ កាលពីវេលាម៉ោង៩និង៣០នាទីយប់ ថ្ងៃទី១០ ខែមករា ឆ្នាំ២០១៧ នៅតាមបណ្តោយផ្លូវទំនបកប់ស្រូវ សង្កាត់សំរោងក្រោម ខណ្ឌពោធិ៍សែនជ័យ ហើយរថយន្តបង្កបន្ទាប់បង្កហេតុហើយបើកុះេចខ្លួនបាត់ស្រមោលតែម្តង។

ជនរងគ្រោះឈ្មោះភិន ចាន់សុភា ភេទប្រុស អាយុ៣៥ឆ្នាំ មុខរបលក់ផ្លែឈើ នៅមុខពោធិ៍ចិនតុង ស្នាក់នៅភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យមានស្រុកកំណើតនៅភូមិថ្មគោល ខេត្តបាត់ដំបង។ ចំណែកអ្នករងរបួសឈ្មោះហែល សុភ័ក្រ ភេទប្រុស អាយុ៣៤ឆ្នាំ ស្នាក់នៅភូមិប៉ប្រកខាងជើង សង្កាត់ការកាប ខណ្ឌពោធិ៍សែនជ័យ។ ជិះម៉ូតូម៉ាកហុងដាឌ្រឹម ស៊េរីឆ្នាំ២០១៥ ពណ៍ខ្មៅ ពាក់ស្លាកលេខ ភ្នំពេញ 1cz 7525 ។

តាមសាក្សីបានអោយដឹងថានៅមុនពេលកើតហេតុ ជនរងគ្រោះបានជិះម៉ូតូតាមបណ្តោយផ្លូវបេតុងក្នុងទិសដៅពីលិចទៅកើត ទើបតែមកពីការមិត្តភក្តិនៅម្តុំបាសិត ខណះមកដល់ចំណុចកើតហេតុក៏បានបើកឡើងទៅលើផ្លូវទំនបកប់ស្រូវជិះឆ្លងផ្លូវត្រូវរថយន្តមិនចាំម៉ាកបើកក្នុងល្បឿនលឿនក្នុងទិសដៅពីជើងទៅត្បូងដោយកន្លែងកើតហេតុមានស្ថានភាពងងឹត ទើបធ្វើអោយរថយន្តបង្កមើលម៉ូតូ មិនឃើញហើយបានបុកពេញទំហឹងបណ្តាលអោយអ្នកជិះម៉ូតូស្លាប់ម្នាក់ និងម្នាក់ទៀតរងរបួស ចំណែកម៉ូតូខ្ទាតចូលក្នុងទឹកប្រឡាយដោយឡែករថយន្តបង្កបានបើកគេចខ្លួនបាត់។

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុយកម៉ូតូទៅរក្សារទុកនៅជំនាញចរាចរណ៍ខណ្ឌពោធិ៍សែនជ័យរងចាំបងប្អូនយកឯកសារពាក់ព័ន្ធមកទទួលយទៅវិញចំណែកសពត្រូវបានបងប្អូនមកទទួលយកទៅធ្វើបុណ្យតាមប្រពៃណីនៅស្រុកកំណើត ៕ សុខាសែនជ័យ