សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ ក្រុមជនសង្ស័យចំនួន៤នាក់ ត្រូវបានសមត្ថកិច្ចឃាត់ខ្លួនបានក្នុងករណីប្រើប្រាស់ និង ចែកចាយថ្នាំញៀន កាលពីវេលាម៉ោង១៧និង៣០នាទី ថ្ងៃទី១៩ ខែមករា ឆ្នាំ២០១៧ នៅភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
ជនសង្ស័យទាំង៤នាក់ដែលត្រូវឃាត់ខ្លួននេះ ១.ឈ្មោះបឿន សំណាង ភេទប្រុស អាយុ១៧ឆ្នាំ មានទីលំនៅ ភូមិឃ្លាំងប្រាក់សង្កាត់ប្អេរ ក្រុងកំពង់ឆ្នាំង ២.យន់ រាជ ប្រុស អាយុ២៥ឆ្នាំ មានទីលំនៅភូមិសំរោង សង្កាត់ផ្សារឆ្នាំង ៣.សឿន សុវណ្ណនី ភេទប្រុស អាយុ៣៤ឆ្នាំ មានទីលំនៅភូមិផ្សារលើ សង្កាត់ផ្សារឆ្នាំង ៤.ហង្ស ចាន់ណា ភេទស្រី អាយុ១៨ឆ្នាំ មានទីលំនៅភូមិសន្ទូច ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។
ក្នុងពេលឃាត់ខ្លួនសមត្ថកិច្ចនគរបាល ដកហូតបាន ថ្នាំញៀនចំនួន២កញ្ចប់ ទូរស័ព្ទដៃ២គ្រឿង ដាវ២ដើម ពូថៅ១ កន្រ្តៃ២ និង ឧបករណ៍ជក់មួយចំនួនផងដែរ ។
សមត្ថកិច្ចបានអោយដឹងថា ក្រុមជនសង្ស័យទាំងនេះ គឺក្រុមមួយដែលទើបចេញធ្វើសកម្មភាព ក្នុងរយៈពេលចុងក្រោយ បន្ទាប់ពីការបង្រ្កាបរបស់សមត្ថកិច្ចបានធ្វើជាប្រចាំ នៅក្នុងខេត្តកំពង់ឆ្នាំង ។
សមត្ថកិច្ចបានអោយដឹងថា មុនពេលឃាត់ខ្លួនសមត្ថកិច្ចមូលដ្ឋាន និង សមត្ថកិច្ចជំនាញ បានសហការគ្នា បន្ទាប់ពីមានការផ្តល់ព័តមានមកសមត្ថកិច្ចស្តីពីសម្មភាពរបស់ក្រុមជនសង្ស័យ ដែលបានធ្វើសកម្មភាពប្រើប្រាស់ និង ចែកចាយថ្នាំញៀន នៅក្នុងមូលដ្ឋាននេះ បានដាក់កម្លាំងចុះចាប់តែម្តង ។
ជនសង្ស័យទាំង៤នាក់នេះ ត្រូវសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការបន្តតាមនីតិវិធី ៕ ចន្ថា
