សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ត្រូវសមត្ថកិច្ចផ្នែកអន្តរាគមន៍ ឃាត់ខ្លួនបន្ទាប់ពីរូបគេបានលាក់ទុកដាវសាំម៉ូរ៉ៃ១ដើមនៅនឹងម៉ូតូ។
ការឃាត់ខ្លួនយុវជនរូបនេះ បានធ្វើឡើងកាលពីវេលាម៉ោង៨និង៣០នាទីព្រឹក ថ្ងៃទី៣១ ខែមករា ឆ្នាំ២០១៧ នៅចំណុចផ្លូវបេតុង ភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សមត្ថកិច្ចឲ្យដឹងថា យុវជនសង្ស័យឈ្មោះ លឿង ចាន់ថា អាយុ២៣ឆ្នាំ មុខរបរអ្នកលើកឥវ៉ាន់តាមឡាន ស្នាក់នៅម្តុំក្តាន់ពីរ ខណ្ឌ៧មករា និងមានស្រុកកំណើតភូមិជៀស ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ ។
សមត្ថកិច្ចបានអោយដឹងថា មុននិងឃាត់ខ្លួនយុវជនខាងលើ គឺកម្លាំងផ្នែកអន្តរាគមន៍ខណ្ឌបានល្បាតនៅក្នុងមូលដ្ឋាន ដើម្បីទប់ស្កាត់រាល់ទបល្មើសផ្សេងៗ ដែលអាចកើតមាន លុះមកដល់ចំណុចកើតហេតុ ក៏ឃើញយុវជនរូបនេះបានជិះម៉ូតូ១គ្រឿងម៉ាកសង់ប៉ិច ពណ៌ខ្មៅ ពាក់ស្លាកលេខ បាត់ដំបង 1D3822 គ្មានពាក់មួកសុវត្ថិភាព គ្មានកញ្ជក់ ដោយមានការសង្ស័យ ទើបឃាត់ត្រួតពិនិត្យហើយក៏ឃើញមានដាវសាំម៉ូរ៉ៃ១ដើមនៅក្រោមកែបម៉ូតូហើយឃាត់ខ្លួនតែម្តង។
បច្ចុប្បន្នជនស្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីសាកសួរបន្តតាមនីតិវិធី៕ តុង សីហា
