សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសវ័យ៧៥ឆ្នាំម្នាក់ត្រូវបានរថយន្តបុក បណ្តាលឲ្យរងរបួសធ្ងន់ ក្នុងខណៈពេលដែលបុរសចំណាស់នោះកំពង់ធ្វើំណើរដើរឆ្លងផ្លូវជាតិ ។
ហេតុការណ៍នេះបានកើតឡើងកាលពីវេលាម៉ោង៧និង១០នាទីយប់ ថ្ងៃទីថ្ងៃទី៧ ខែកុម្ភៈ នៅតាមបណ្តោយផ្លូវជាតិលេខ៤ ស្ថិតនៅគីឡូម៉ែត្រលេខ១៤០ លេខ១៤១ ភូមិចំការហ្លួង ឃុំចំការហ្លួង ស្រុកកំពង់សិលា ខេត្តព្រះសីហនុ ។
ជនរងគ្រោះឈ្មោះយូ ឈឿន អាយុ៧៥ឆ្នាំ មានទីលំនៅភូមិឃុំ កើតហេតុ ត្រូវរថយន្ត១គ្រឿង ម៉ាកស្ទីលីងក្បាលពណ៌ស ពាក់ស្លាក់លេខ ភ្នំពេញ ៣D-3086 សណ្តោងរ៉ឺម៉ក ក្នុងទិសដៅពីព្រះសីហនុ-ភ្នំពេញ បណ្តាលអោយរងរបួសធ្ងន់ ត្រូវបានកំលាំងអាវុធហត្ថស្នាក់ការ402 ជួយដឹកយកទៅសង្គ្រោះ រីឯអ្នកបើកបរដាក់មេប្រូចបាត់ស្រមោល ដែលនេះគឺជាទម្លាប់យ៉ាងល្អឥតខ្ចោះរបស់អ្នកបើកបរ ។
ចំណែករថយន្តត្រូវបាននគរបាលស្រុកកំពង់សិលាយកទៅរក្សាទុករង់ចាំការដោះស្រាយនៅពេលក្រោយ ៕ ឆ្លាម សមុទ្រ
