សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍កាកាបឃាត់ខ្លួនជនសង្ស័យចំនួន៧នាក់ រួមទាំងថ្នាំញៀនមួយចំនួនធំ កាលពីវេលាម៉ោង៩និង៣០នាទីព្រឹក ថ្ងៃទី១៣ ខែកុម្ភៈ ឆ្នាំ២០១៧ ត្រង់ចំណុចបន្ទប់ជួល លេខ២១៥ ផ្ទះលេខ៦០២ ផ្លូវបេតុង ក្រុមទី២ ភូមត្រពាំងល្វា សង្កាត់ កាកាប ខណ្ឌពោធិ៍សែនជ័យ។
ជនសង្ស័យរួមមាន៖ ឈ្មោះ រិន ចាន់ណារិទ្ឋ ហៅ ចាន់ ភេទ ប្រុស អាយុ៣៥ឆ្នាំ មុខរបរ: ជួញដូរគ្រឿងញៀន ស្នាក់នៅបន្ទប់ជួលខាងលើ ឈ្មោះរីម រួន ហៅស្នា ភេទប្រុស អាយុ៣៣ឆ្នាំ មុខរបរ បើកបរ ស្នាក់នៅផ្ទះជួល ភូមិទីកថ្លា សង្កាត់ទឹកថ្លា ខណ្ឌសែនសុខ,ឈ្មោះ ឡូ វឌ្ឍនាហៅ កិ អាយុ ២២ឆ្នាំ មុខរបរ ចិញ្ចឹមទា ស្នាក់នៅភូមិវិមានទ្រុង សង្កាត់ ក្រាំងឆ្នង់, ឈ្មោះនង ស្រីលក្ខ ភេទស្រី អាយុ២៣ឆ្នាំ មុខរបរ នៅផ្ទះ,ឈ្មោះ ឯម ចិន្តា ហៅ ស្រីអូន ភេទ ស្រី អាយុ៣៨ឆ្នាំ មុខរបរ លក់ដូរ រស់នៅផ្ទះជួល ភូមិតាងួន សង្កាត់ កាកាប, ចំណែកនៅបន្ទប់លេខ១១០ មានមនុស្សពីរនាក់ទៀត ឈ្មោះ ង៉ែត ពិសិដ្ឋ ហៅទក់ ភេទប្រុស អាយុ ៣៥ឆ្នាំ មុខរបរៈ សន្តិសុខ ស្នាក់នៅផ្ទះជួលខាងលើ និងឈ្មោះ វ៉ាត វង្សរស្មី ហៅ ស្មី ភេន ស្រី អាយុ២៣ឆ្នាំ មុខរបរនៅផ្ទះ ស្នាក់នៅ ផ្ទះជួលខាងលើ ។
សមត្ថកិច្ចបានបញ្ជាក់ថា ក្នុងប្រតិបត្តិការខាងលើនេះ ដកហូតថ្នាំញៀនចំនួន៣០កញ្ចប់តូច និង៦កញ្ចប់ថង់ធំ រួមទាំងឧបករណ៍ប្រើប្រាស់គ្រឿងញៀ៍មួយចំនួន ។
បច្ចុប្បន្ន ជនសង្ស័កំពុងសាកសួរនាំ នៅប៉ុស្តិ៍នគរបាលការកាបដើម្បី កសាងសំណុំរឿងបញ្ជូនទៅផ្នែកព្រហ្មទណ្ឌដើម្បីចាត់ការបន្ត ៕ សុខាសែនជ័យ
