សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ សមត្ថកិច្ចបានចុះបង្ក្រាបទីតាំងជល់មាន់មួយកន្លែង ឃាត់ខ្លួនអ្នកញៀនល្បែង៤នាក់ និងម៉ូតូ៩គ្រឿង ។
ការឃាត់ខ្លួនក្រុមអ្នកញៀនល្បែងជល់មាន់នេះ ធ្វើឡើងកាលពីរសៀលថ្ងៃទី១៩ ខែកុម្ភៈ ឆ្នាំ២០១៧ ស្ថិតនៅក្នុងភូមិ ព្រៃកែស ឃុំ ព្រៃវិហារ ស្រុកគងពិសី ខេត្តកំពង់ស្ពឺ។
សមត្ថកិច្ចបានឲ្យដឹងថា មុខសញ្ញាដែលឃាត់ខ្លួនរួមមាន១ ឈ្មោះគឹម ហៀង ភេទប្រុស អាយុ៤០ឆ្នាំ រស់នៅភុមិសំរោងជ្រៃ ឃុំតាំងដូងស្រុកបាទី ខេត្តតាកែវ ទី២ ឈ្មោះសុត វិស័យ ភេទប្រុស អាយុ២៥ឆ្នាំ ទី៣ ឈ្មោះសាំង សត់ ភេទប្រុស អាយុ៣៦ឆ្នាំ ទី៤ឈ្មោះ ឌឹម ចឺស ភេទប្រុស អាយុ៣០ឆ្នាំ អ្នកទាំង៣ រស់នៅភូមិដំណាក់ពង្រ ឃុំព្រៃវិហារ ស្រុកគងពិសី ខេត្តកំពង់ស្ពឺ ។
លោកវរសេនីយ៍ត្រី ទុយ ថេន អធិការរងថ្លែងថា កំលាំងអធិការស្រុកគងពិសី ចុះល្បាតចល័តភូមិគោលដៅ ចែកចាយថ្នាំញៀន បានប្រទះឃើញមុខសញាបញ្ជល់មាន់មួយក្រុមនៅក្រោមដើមស្វាយក្នុងដីចំការមួយកន្លែងខាងលិចភូមិព្រៃកែស ឃុំព្រៃវិហារ ក៏ឃាត់ខ្លួនមុខសញាបាន៤នាក់ និងមូតូចំនួន៩គ្រឿង ។
ក្រុមអ្នកញៀនល្បែងជល់មាន់ទាំងនេះត្រូវបានបញ្ជូនខ្លួនទៅកាន់ការិយាល័យព្រហ្មទណ្ឌកម្រិតស្រាលនៃស្នងការខេត្តចាត់ការបន្ត ៕ សេនាស័ក្តិ
