សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនរងគ្រោះ២នាក់ម្នាក់ជា កម្មករជួសជុលរថយន្ត និងម្នាក់ទៀតជាមេការលាយទឹកសារ៉ូបានស្លាប់ដោយសារគាំង បេះដូងដាច់ដោយឡែកពីគ្នាក្នុងនោះម្នាក់ ស្លាប់នៅសង្កាត់គីឡូម៉ែត្រលេខ៦ និងម្នាក់ ទៀតស្លាប់នៅសង្កាត់ទួលសង្កែ២ ខណ្ឌ ឫស្សីកែវ ។
បុរសរងគ្រោះទី១ជាកម្មករជួសជុល រថយន្តត្រូវបានគេដឹងថា គាត់ស្លាប់នៅ វេលាម៉ោង៣និង២០នាទីទៀបភ្លឺឈាន ចូលថ្ងៃទី៩ ខែមីនា ឆ្នាំ២០១៧ ឋិតនៅក្នុង បន្ទប់ជួលលេខA២០៤ ក្រុម៣ ភូមិទួល គោក សង្កាត់ទួលសង្កែ២ ខណ្ឌឫស្សីកែវ។
ជនរងគ្រោះត្រូវបានគេស្គាល់ឈ្មោះ ទិន ហាយ ហៅឆាយ អាយុ៣២ឆ្នាំ ស្នាក់ នៅផ្ទះជួលខាងលើ មានស្រុកកំណើតនៅ ភូមិអណ្តូង ឃុំស្រម៉ ស្រុកជើងព្រៃ ខេត្ត កំពង់ចាម ។
ដោយឡែកជនរងគ្រោះទី២ ដែលជា មេការលាយទឹកសារ៉ូ បានស្លាប់ដោយសារ គាំងបេះដូងដូចគ្នា ហើយធ្វើឲ្យមានការភ្ញាក់ ផ្អើលនៅវេលាម៉ោង៦និង៤០នាទីព្រឹក ថ្ងៃទី៩ ខែមីនា ឆ្នាំ២០១៧ ឋិតនៅបន្ទប់ ជួលក្នុងក្រុមទី២ ភូមិបឹងឈូក សង្កាត់គីឡូ ម៉ែត្រលេខ៦ ខណ្ឌឫស្សីកែវ ។
ជនរងគ្រោះមានឈ្មោះ ហង្ស យ៉ាន អាយុ៣២ឆ្នាំ មានស្រុកកំណើតនៅភូមិ តាឡូ ឃុំជើងក្រៀល ស្រុករលាប្អៀរ ខេត្ត កំពង់ឆ្នាំង មានប្រពន្ធឈ្មោះ ស្រី ឃាង អាយុ២៨ឆ្នាំ មានកូនក្នុងបន្ទុក២នាក់ ។
ក្រោយពីពិនិត្យនិងធ្វើកោសល្យវិច័យដោយសមត្ថកិច្ចជំនាញរួចមកជនរងគ្រោះទាំង២ត្រូវបានសមត្ថកិច្ចបញ្ជាក់ថា ស្លាប់ ដោយសារគាំងបេះដូងមិនពាក់ព័ន្្ធទៅនឹងករណីឃាតកម្មអ្វីឡើយ ។
ក្រោយពីធ្វើកោសល្យវិច័យរួចសាកសពជនរងគ្រោះទាំង២ត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ អារុណរះ
